طريقة عمل صينية بطاطا بالصور
وصفة شهية ومميزة, تتحفنا بها الملكة المبدعةالماسة فلسطين
لنترك لها المجال لتحكيلنا الطريقة بأسلوبها المميز.
اللهم ارزقنا راحة البال وطمأنينة النفس وسعادة القلب
انه السعيد المبسوط الراضي المتهني
قبلان بقوت يومه وبشكر ربه
قبض راتبه اليوم
وفلس تاني يوم???
بس عادي المهم راحة البال
بحبش ها الاكلة يا ماما
ليش ان شاء الله
بتحبها تفضل صحتين عقلبك
بتحبهاش قوم
وللامانه فش عندي كلمة بحبش اكل
بالطول بالعرض خلص صحنك
لانه وهم صغار اذا ما تعودو على الاكل هيتعبو وبتعبو اللي حواليهم
ويضيعو القبضة على طبخه محشي وملوخية وبامية
وهذا بياكلها وهذا بياكلهاش
وصدقو كتير ستات بيوت بصرفو للاسف وبعلمو اولادهم اللامبالاة بها الموضوع
ومن باب التدبير اليوم عملنا صينية بطاطا
وبكره هنعمل بالباقي طبخة تانية خليكو متابعين غدا
صينية البطاطا بالفرن
دجاج مخلي ومتبل من قبل بيوم ملح وفلفل وبهار وبابريكا
بطاطا بصل فليفلة بندوره
تبلت الخضره بملح وفلفل وصفيتها تحت الجاج
وضفتلها نص كاسة مية وسلفرتها وثقبت السلفر ثقوب مشان البخار يطلع وما يكون طعمها متل المسلوق وبالفرن ساعة وشويتها بعدين
وصحتين
لوح التقطيع الصغير من النجار كتير عملي وسهل بنصحكو توصو عليه عند اي نجار
تحياتي واحتراماتي
الماسة
نسعد بمتابعتكم لنا على جروب زاكي لفن الطهي بالضغط على هذا الرابط:
الكنافة النابلسية بالعجينة الناعمة
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
