حمص بطحينه وفول مدمس بالبندوره والفلفل الحار مقبلاتي اللذيذه 2 ملكة المقبلات
حمص بطحينه وفول مدمس بالبندوره والفلفل الحار مقبلاتي اللذيذه 2 ملكة المقبلات
السلسه الثانيه من مقبلاتي اللذيذه حمص بطحينه وفول مدمس بالبندوره والفلفل الحار ملكة المقبلات
المقادير
- حمص بطحينه:
- كوب حمص
- معلقتين لبن رايب
- معلقتين طحينه
- عصير ليمونه
- ملح
- زيت زيتون
- سماق
- بقدونس
- فول مدمس بالبندوره والفلفل الحار:
- كوب فول مسلوق او علبة فول
- ثلاث حبات بندوره
- قرن فلفل حار
- سن توم
- عصير نص ليمون
- معلقة كمون
- كزبره مفرومه للزينه
الخطوات
طريقة حمص بطحينه
يسعد اوقاتكم يا احلى صبايا الحمص بالطحينه من المقبلات الشهيه الي ما حد بستغني عنها في وجباتنا اليوميه خصوصا الافطار والعشا اجمل شي لما تعمليها بايدك الحلوه رح تاكلي وانت مطمئنه لانك عارفه جودة.العمل الي عملتيه ومتاكده من نظافة المكان
ان شاء الله طريقتي تعجبكم
اول شي بتحضري المواد ليسهل عليك العمل بالنسبه للحمص بامكانك شراء كيلو حمص وغسله ونقعه طول الليل وبعدين سلقه وبعد ما يبرد بتفرزيه لوقت الحاجه
بنحضر الخلاك بنحط فيه كوب الحمص ومعلقتين الطحينه ومعلقتين اللبن ورشة الملح وعصير الليمون وبتشغلي الخلاط حتى تتجانس المواد اذا كانت متماسكه كتير نزلي القليل من الماء وشغلي الخلاط بس بتهيالي المقادير مضبوطه لو ما في لبن بتحتاجي مي وبامكانك تستغني عن اللبن وبعد الانتهاء ننقل الخليط في صحن التقديم ونزينو بطريقنا الخاصه بالسماق والبقدونس والزيت والف صحه وهنا
طريقه سهله صحيه اقتصاديه ان شاء الله تنال اعجابكم
ثانيا
طريقه عمل الفول بالبندوره والفلفل الحار
كالعاده بنحضر المواد حتى يسهل علينا العمل طبعا بنفرم قليل من البصل ونضع عليه الزيت وعلى النار المتوسطه الحراره بنفرم البندوره ناعم وبنزلها على البصل بعد مايتذل وبنزل معها الفلفل الحار وبامانكم تستغنوا عنه بكون غسلت الفول ونظفتو من المواد الحافظه وبضيفوا للبندوره وبتركه يتسبك مع البندوره حتى ياخذ طعمتها وبضيف شوية ليمون وكمون وملح وبطفي الغاز وبنقل الاكل في صحن التقديم وبزينو بالكزبره المفرومه والفلفل الحار والف صحه وهنا
استودعتكم لله الذي لا تضيع ودائعه
شكرا على مروركم الكريم
