قشطليه على طريقه ام حسنين وحلا الباف بستري وسموثي اللبن بالتمر والتوت سلسله سهل وسريع 5

المقادير

• مقادير القشطليه
• كوب طحين ابيض
• علبه قشطه 125 غرام
• باكيت فانيلا
• باكيت بيكنج باودر
• كوبين قطر بارد ثقيل القوام لكل كاسين سكر كاس ماء وعصره ليمون بنتركهم يغلو عشر دقايق وبطفي الغاز وبنخليهم يبردو منيح
• مقادير حلا الباف بستري
• باكيت عجينه باف بستري جاهزه
• تطلي اي طعم حسب الرغبه
• سكر مطحون للزينه
• مقادير سموثي اللبن بالتمر والتوت
• نص كوب تمر منزوع النوا
• نص كوب توت او فراوله
• باكيت كريمه باودر
• 3 اكواب لبن يوغرت
• التزيبن حسب الطلب:
• جوز الهند
• مكسرات

الخطوات

بسم الله نبدا

بالبدايه بنضيف الطحين والبيكنج باودر والفانيلا وبنخلطهم مع بعض بنضيف عليهم القشطه وبنعجنهم كتير منيح لما تسير عنا عجينه ناعمه وطريه وما بتلزق بنريحها ربع ساعه وبعد هيك بنبلش شغل فيها عطول بنرقها رغيف كبير وبنبلش نقطعهم بقطاعات البسكوت بالاشكال الي بدنا ياها وبنقليها بزيت غزير عنار وسط وبس تسير لونها ذهبي بنقلبها على الجهه التانيه لازم ننتبه كتير منيح عطول بنستوي وبتوخذ لون ما بتطول يادوب ثواني وبنطلعها وبنحطهم بالقطر وبنقلبهم دقيقتين ثلاث وبنطلعهم وبنقدمهم والف صحه وهنا

طريقه عمل حلا الباف بستري

بنفرد العجينه وبنقطعها باستعمال قطاعات البسكوت وبنقطع قسم ثاني دائره من الوسط وبنضعها فوق القطعه الاولى وبنصفها على صينيه الفرن وبنخبزها على نار هاديه تقريبا 12دقيقه وبنطلعهم وبس يبردو بنعبيهم بالتطلي وبنزينهم بالسكر المطحون وتقدم والف صحه وهنا

طريقه عمل سموثي اللبن والتمر والتوت

بنضع جميع المقادير مع بعض وبنخلطهم على الخلاط لما ينعم الخليط يوضع في كؤوس التقديم ويزين ويقدم والف صحه وهناا

ملاحضه يجيب ان تكون جميع مقادير السموثي بارده قبل الخلط

ان شاء الله تعجبكم وصفاتي وتضيفوها للمفضله والف صحه وهنا يا رب

تحياتي الكم جميعا رشا ام احمد