مقبلاتي 3 شوربة العدس والشعيريه و مدمس العدس ملكة المقبلات

المقادير

• لشوربة الشعيريه :
• شعيريه
• ماجي
• ملح
• بقدونس
• لشوربة العدس :
• نص كيلو عدس مجروش
• ماجي
• ملح
• فلفل أسود
• راس بصل
• لمدمس العدس :
• عدس مجروش
• 3 معالق طحينية
• 2 سن ثوم مهروس
• زيت زيتون
• ملح

الخطوات

مسااكم سعيد …اليوم حبيت اقدملكم طريقتي بمقبلات شوربة العدس يلي ما غنى عنها ..ومدمس العدس بشهي

وشوربة الشعيريه …بتمنى تعجبكم الطريقه

ويلااا مع شرح الطريقه …

&اول شي طريقة شوربة الشعيريه :

بنضع كميه من المي عالغاز وبنضعلها بكتين ماجي

واذا كان متوفر عندك مية دجاج بكون ازكى ..ولما تغلي المي بنضيفلها الشعيريه وبنغليهم سوااا ( قلي الشعيريه أختياري قبل وضعها بالشوربه ) وقبل ما أطفي تحتيها الغاز بضيفلها رشة بقدونس

& وفي مرات بضيفلها جزر وبطاطا مفرومين نااعم وكتير زاكي معها بس هالمره عملتها بدون خضار

& وهلأ مع طريقة شوربة العدس :

بفرم راس البصل ناعم وبقليه بزيت زيتون وبضيفله رشة ملح ورشة فلفل اسود وبكيت ماجي ولما يصير لون البصل ذهبي بنزل عليه العدس المغسل والمصفى وبقلبهم

وبضيفلهم كميه وفيره من المي وبخليها تغلى مزبوط عشان العدس يستوي وتثقل وأخر شي بضربها عالبلندر عشان انعمها شوي وهيك بتكون جاهزه

وصحه وعافيه

وهلأ مع طريقة مدمس العدس كتيرر زاكي :

اخذت كمية من العدس من بعد ما استوا ونشفت ميته بطنجره لحاله عالغاز ..وبضربه بالبلندر بنعمه وبضيفله تلات معالق طحينيه مع رشة ملح وسنين ثوم مهروسين وزيت زيتون وبخلطهم مع العدس كويس وبقدمه بصحن التقديم

وااالف صحه وعاافيه ..وهيك خلصو مقبلاتي البسيطه

بتمنى تعجبكم