مقبلاتي اللذيذة 3 مسقعة سلطة الزيتون برك ملكة المقبلات
مقبلاتي اللذيذة 3 مسقعة سلطة الزيتون برك ملكة المقبلات
مقبلاتي اللذيذة 3 مسقعة سلطة الزيتون برك ملكة المقبلات
المقادير
- مقادير المسقعة:
- بيتنجان
- بندورة مفرومة
- بصل مفروم
- بقدونس مفروم ناعم
- زيت زيتون
- ملح
- فلفل أسود
- رشة بابريك
- مقادير تتبيلة الزيتون أو سلطة الزيتون:
- كيلو زيتون اخضر
- فليفلة خضرا وحمرا مفرومة
- جزر مفروم
- ليمون مفروم
- نصف كوب زيت
- ربع كوب عصير ليمون
- مقادير البرك:
- للعجينة :
- 3 كاسات طحين
- ثلث كوب لبن
- ثلث كوب زيت
- ملعقة كبيرة مسح سمنة او زبدة
- ملعقتين خل أبيض
- 3 ملاعق كبيرة نشا
- ملعقتين كبار مسح بيكينغ باودر
- رشة ملح
- رشة سكر
- ماء ساااخن للعجن
- للحشوة :
- جبنة بيضا
- جبنة موزاريلا او قشقوان
- بياض بيضة
- رشة ملح
- فلفل أسود
- بابريكا
- بقدونس مفروم ناعم
الخطوات
☆ بسم الله الرحمن الرحيم ☆
حبيباتي هي بعض المقبلات عطريقتي بتمنى تجربوها وتعجبكم ♡
منبلش بالمسقعة الخفيفة الظريفة
ممكن نقلي البيتنجان بس بالنسبة الي بحب قطعو شرحات وادهنها بملعقة زيت وحطهم بالفرن وبيعطوني نفس النتيجة وهيك منكون وفرنا على حالنا زيوت القلي..
بشويهم لحتى يستوو بس مو يتقمرو
ومنقطع البصل جوانح ومنقليه بزيت الزيتون ليدبل شوي وبعدين منضيف عليهم البندورة والبهارات لحتى يغلو ويدبلو منضيف قطع البيتنجان مشان ماتدوب زيادة وتتهرس
منخليهم يغلو دقيقة مع بعض لتتمازج النكهات ومنضيف عليهم بالاخير رشة بقدونس وشوية زيت زيتون وبتصير جاهزة للتقديم
طبعا الاطيب تتاكل باردة تماماً وممكن حسب مابتحبو..
لتتبيلة الزيتون او سلطة الزيتون
منقطع الخضرة قطع صغيرة.. انا هون ماكان متوفر عندي فليفلة حمرا لهيك اكتفيت باللي شايفينهم بس اذا موجودة ضيفوها بتعطي طعم روعة.. ومنضيف زيت الزيتون وعصير الليمون ومنخلط كل شي وبس صارت جاهزة.. طبعا الافضل يكون الزيتون منزوع البذر تبعو هههههه
منجي للبرك الشهييييية الرائعة
شفتو مكونات العجينة فوق؟؟ اي طبعا شفتوهم شبكم صفنتو ههههه
المهم ياحبيباتي الامر سهل كتير بتحطو هالمكونات كلها تبع العجينة عدا المي سوا وبتعجنوهم مع بعض منيح وبعدين بتضيفو الماء الساخن بالتدريج وانتو عم تعجنو
رح تلاحظو صار عندكم عجينة ملمسها بجننننن
والسر بالمي السخنة عفكرة
ماحدا داق البرك عندي الا وحب عجينتها كتير لهيك حبيت شارككم ياها
وقت بدكم تشكلوها فيكم ترقوها كتير وتلفوها اصابع بس مو لفات كتيرة لحتى ماتعجن
انا كتير بحب اعملها هيك
او ممكن مثلثات او كيف ماحبيتو
المهم تعرفو تتحكمو بسماكة العجينة
وبالنسبة للحشوة منخلط كل شي سوا ومنتأكد وقت نشكل البرك انو سكرناها منيح
ومنقليها بزيت غزير
طبعا انتبهو مارح تاخد وقت كتير بالقلي
اذا حبيتو تشووها بالفرن شووها بس بصراحة انا مو مجربة ههههههه البرك بقليها قلي..
وهنا والف عافية يارب
دعولي كتييييير وبحبكم كتيييييييييير وحبوني كتيييييييييييير ههههههه
