أروع كب كيك بالشوكولاتة
أروع كب كيك بالشوكولاتة
المقادير
- 3 بيضات
- باكيت فانيليا
- رشة ملح
- ثلاث ارباع كوب سكر او اقل او اكثر حسب الرغبة بس انا هيك عملتو
- ثلاث ارباع كوب زيت نباتي
- كوب حليب
- ملعقة كبيرة لبن
- كوب ونصف طحين
- 3 ملاعق ونصف كبار كاكاو خام
- ملعقة ونصف صغار بيكينغ باودر
- الحشو حسب الرغبة:
- صلصة شوكولا نزلت طريقتها قبل هلا واذا حبيتو برجع ببعتلكم ياها هون
- او شوكولا نوتيلا بس سيحوها مع شوية زيت
- التزيين حسب الرغبة
الخطوات
☆ بسم الله الرحمن الرحيم ☆
يلا نشمر ونبلش شغل يا شطورات هههه
منخفق البيض مع السكر والفانيليا وبعدا منضيف الحليب والزيت واللبن ورشة الملح ومنخفقهم مع بعض ومننخل الطحين مع الكاكاو والبيكينغ باودر ومنضيفهم بهدوء عالمزيج السائل ومنحركهم بهدوء لحتى يمتزجو منيح
رح تلاحظو انو الخليط سائل شوي مو سميك وهالشي رح يخلي الكب كيك هش كتير ولذيذ
ومنصب الخليط بالقوالب ومنكون مسخنين الفرن على درجة حرارة 180 من قبل
منحطهم حوالي 20 ل 25 دقيقة او حسب الفرن ومنغرز فيها عود خشب اذا طلع ناشف بكونو استوو
واذا حطيناهم بعلبة محكمة الاغلاق بيبقو منيح طرايا ما احلاهم ومابينشفو أبداً بحال بقيو كم يوم بس مابتوقع يبقى شي بصراحة ههههه
لحتى نحشيها منعمل فيها تجويف صغير بملعقة صغيرة او اي اداة تانية ومنحط فيها الشوكولا متل مو واضح بالصورة ومنزين حسب الرغبة وبعدها عالهجوووووووم ههههههه
ان شاء الله بتجربوها وبتعجبكم حبيباتي
دعولي
