طريقة عمل الرز البخاري بالدجاج
طريقة عمل الرز البخاري بالدجاج
المقادير
- دجاج مقطع
- ارز بسمتي او اي نوع حبة طويلة
- بصل مقطع مكعبات
- جزر مقطع اصابع رفيعه جدا
- حبتين بندورة مبروشه
- زيت
- لسلق الدجاج:
- ملح
- هيل
- ورق غار
- بهارات مندي
- او بهارات تكون صفرة
- او بهارات كبسة
- كمون
- ماجي بودرة
- كركم اصفر
- او عصفر
- لسلق الارز نحتاج مع مي السلق:
- زيت
- ملح
- ورق غار
- هيل حب
- عودين قرفة
- للتزيين:
- زبيب
الخطوات
بسم الله الرحمن الرحيم
اول شي بسلق الدجاج وبقطعه قطع صغيرة يعني الفخدة بقسمها نصفين والسفينه نفس الشي لازم يكون الجاج مقطع قطع صغير بسلقه وبضيف الملح والهيل المطحون وورق الغار واغطيه لحتى الاستواء
تاني شي بقلي الزبيب لحتى يشقر بشيله ع جنب
بعدين بقلي الجزر لحتى يذبل ويعطي لون شوي بشيله ع جنب
وبقلي البصل لما يذبل بحط عليه شوية ملح ومعلقه كبيرة كمون لما يذبل البصل بكون عندي الدجاج مستوي بضيف الجاج فوق البصل بقليه ليعطيني لون ذهبي الجاج بضيف فوق الدجاج معلقه كمون كمان لما يصير الجاج لونه ذهبي بضيف عليه برش البندورة لحتى الاستواء بضيف فوق الجاج شوية زبيب وجزر من الي قليتهم بس مو كل الكمية احطهم يعني بقسم الزبيب والجزر ل ٣ اقسام اول قسم بحطه فوق الجاج
نيجي للأرز
بنقع الارز بمي سخنه ل مدة ربع ساعه
بعدين بجيب طنجرة فيها مي وبحط فيه معلقه ملح وهيل حب وعودين القرفه ونقطتين زيت بس تغلي المي بصفي الارز وبغسله جيدا بضيف الارز بطنجرة المي بسلقه نصف سلقه لما تكبر حبة الارز
يعني زي ما بسلق المعكرونه
بصفيه كويس من المي وبضيف عليه ماجي بودرة ومعلقه كركم اصفر او عصفر بلخبطه كويس بضيف نصف كمية الارز عالجاج وبحط شوية زبيب وجزر من الي قمناهم وبرجع بضيف باقي الارز وبضيف عالوجه الارز اخر الزبيب والجزر
هلأ بمي الجاج بحط عليه ماجي ومعلقه بهار مندي وملح وبصير امرق للارز شوي شوي ما بكتر مي لانه الارز سالقاه نصف سلقه شوي شوي بدير المي عشان ما يخبص وبستويه ع نار هادية لما يستوي بكون مجمرة فحمه وبعمل بنصف الارز حفرة بحط قطعه قصديرة وبحط الفحمه عليها وبضيف نقطه زيت عالفحم وبغطي الارز ليطعم الارز بالفحم وبزينه حسب الرغبة
وصحه وعافيه ان شاء الله طريقتي تعجبكم
