لازانيا
لازانيا
المقادير
- باكيت لازانيا ٥٠٠غم
- جبنة موزاريلا أو قشقوان حسب الرغبة
- لصوص البولونيز
- بصلة كبيرة مفرومة ناعم
- ٣سنان تومة مهروسة
- ٥٠٠غم لحمة مفرومة
- أربع حبات كبيرة بندورة
- من ملعقتين لتلات ملاعق كبيرة صلصة البندورة
- ملعقتين كبار كاتشب
- ملعقة كبيرة خل أبيض
- رشة بودرة مرق الدجاج
- رشة ملح و فلفل اسود و سكر
- رشة أعشاب إيطالية عبارة عن اوريغانو و ريحان و روز ماري
- رشة توم و بصل باودر
- رشة بابريكا حلوة
- تلات ملاعق كبيرة زيت ذرة
- نص كاسة ماء في حال سلق اللزانيا يتم استخدام ماء سلقها
- للباشميل
- خمس أكواب ماء
- عشر ملاعق كبيرة ممتلئة حليب بودرة
- خمس ملاعق كبيرة طحين
- تلات ملاعق كبيرة زبدة
- جبنة مثلثات اختياري
- تلات أرباع الكاسة جبنة شدر
- نص كاسة جبنة موزاريلا
- رشة ملح و فلفل اسود
- مكعب مرق الدجاج
الخطوات
اللزانيا فيه نوعيات بدها سلق لازم الانتباه للباكيت لمعرفة الوقت الي بتحتاجه بالفرن واذا بدها سلق
للصلصة يوضع الزيت ليحمى يضاف اللحمة وتقلب لتستوي يضاف رشة ملح و فلفل اسود و توم و بصل باودر و بابريكا حلوة ومكعب مرق الدجاج و أعشاب ايطالية يضاف البصل و التوم ويقلب ليذبل
تضرب البندورة بالخلاط او تبشر وتضاف مع الماء و صلصة البندورة و الكاتشب ورشة سكر والخل و تترك لتتسبك
توضع جميع مكونات الباشميل بالخلاط بدون الجبنة الشدر و الموازريلا و الزبدةو تخلط جيداً توضع بطنجرة مع التحريك المستمر ليتكاثف بتضفي الجبنة و الزبدة مع رشة ملح و فلفل اسود
بجاط حراري بتضيفي ملعقة باشميل و بتدهني الجاط وبتعملي طبقات من اللزانيا و الصلصة و الباشميل اخر شي بتدهنيها بالباشميل وعلى الفرن من تحت بس تستوي بترشي الجبنة وبتدخليها الفرن من الشواية لتسيح وتوخد لون
بالهنا والشفا يارب
