خضار بصدور الدجاج سلسلة اقتصادي وسهل 1
خضار بصدور الدجاج سلسلة اقتصادي وسهل
المقادير
- صدور دجاج مقطعه مكعبات
- خضار مشكله حسب الرغبه
- نص بكيت بازيلا
- اربع حبات جزر
- فاصولي خضرا حسب الرغبه
- ثلاث حبات بطاطا مقطعه ومغسوله
- بصله صغير
- سنين توم
- زيت
- او سمنه للطبخ
- ملح
- فلفل اسود
- بهارات حسب الرغبه
- شوربة دجاج
- او قرص ماجي
- اربعة كاسات ارز او حسب افراد الاسره
- معلقتين رب البندوره
- او معلقتين صلصه
- اربع او خمس حبات بندوره حمرا
الخطوات
بسم الله الرحمان الرحيم
يسعد كل اوقاتكم يا غاليين
حبيت اشارك في هذه السلسله الرائعه واقدملكم وصفات اقتصاديه وسريعه وغير مكلفه بحيث انها تكون في متناول الجميع ان شاء الله تنال اعجابكم يا وردات وهينا بلشنا بالخضار يا رب حياتكم جميع تكون خضرا وسهله وكلها سعاده
في البدايه بحضر جميع المواد حتى يسهل على العمل طبعا بنقع الرز بمي دافيه ومعلقه صغير ملح بتركه على جنب لمدة ثلث ساعه بعد ما اشطفه بالمي واغسله
طبعا بكون مقطعه الخضار وغاسلتها ومقطعه الدجاج وكل شي جاهز
بشعل الغاز وبضع بالطنجره الزيت والبصل المفروم بعد ما يتذبل بنزل التوم المهروس وبنزل قطع الدجاج وبقلبهم مع البهارات كويس وبغمرهم بالماء وبتركهم مدة ربع ساعه لانه الجاج بنضج اسرع من اللحمه وبضيف الخضار بالترتيب حسب نضوجها بضيف الجزر والفاصوليا وبعدين البازيلا ثم البطاطا لانها سريعة النضج وبغطي عليها على نار متوسطه قبل ما تنضج بشوي بضيف عصير البندوره والصلصه وبتركها تنضج طبعا بغسل الارز وبعملها بالطريقه المعتاده الي كلنا بنعرفها وبقدمه بعد ما ينضج مع الخضار والف صحه وهنا اتمنى انها تنال اعجابكم يا احلى وردات وللعلم ولا في اطيب من الخضار المفروض نعود اطفالنا عليها من صغرهم لانه بتعطي نشاط وحيويه ههههههه هسا بتحكوا ناقصنا نشاط طول نهارهم ينطو الله يحميهم بس صدقا جدا مفيده الخضار بتلين الامعاء وبتساعد على النمو الصحيح وبتعطي الوجه نضاره ربانيه نضر الله وجوهكم بالابتسامه عند لقاء رب العالمين
حبيباتي استودعتكم لله الذي لا تضيع ودائعه
