صرر الاوزي بصدور الدجاج
صرر الاوزي بصدور الدجاج
المقادير
- صدور دجاج مخليه
- رز حبه طويله
- ملح
- فلفل اسود
- كمون
- بهار مشكل
- ملح ليمون
- ماجي
- ثوم
- زيت قلي
- جزر
- بازيلاء
- كاري دجاج
- مكسرات حسب الرغبه انا استخدم:
- الزبيب
- اللوز
- مكونات الصوص:
- بشاميل
- فطر
- موزريلا
- حليب سائل ٤ كاسات
- ٥ملاعق زبده
- فطر مقطع
- ٥ ملاعق طحين
- موزريلا
- ملح
- ماجي
- فلفل اسود
- راح تحتاجي:
- شاكوش تدقي فيه صدور الدجاج او مرق العجين متل ما استخدمت
- مقص
- اكياس تفريز حجم كبير
الخطوات
اول شي بدي اقلكم انه الصور بتشرح الطريقه بالتفصيل
اسلقي الجزر والبازيلا والفطر وانقعي الرز
اول شي بتقطعي صدور الدجاج بشكل عرضي على شكل قطع عريضه نوعا ما ال ٤ صدور دجاج ساديا بيكون حجمها كبير بتعمل ١٠ صرر كل قطعه صره يعني
بعد ما تقطعيها بتحطي كل قطعه جوا كيس تفريز وبتدقيها بشكل خفيف اقرب للتطبطه
بتدقي كل الكميه بعدها بتجيبي صحن متوسط بتصيري تقصي كيس التفريز من كل الجهات الا الجهه يلي عليها صدر الدجاج وبتحطيها جوا الصحن وبترشي عليها رشه ملح وكمون وكاري دجاج وملح ليمون وبهار مشكل رشات خفيفه بعدين بتبلشي تحشيها مكسرات وزبيب محمص وفوقها رز يلي هو رز اوزي حبه طويله بتفلفلي مع جزر وبازيلا وكميه ماء وزيت وملح وماجي وبهارات اوزي وبهارات مشكله بس يتفلفل بتبلشي تحشي كل صره بتستوعب ٣ الى ٤ ملاعق كبيره بعدين بتبلشي تردي اطراف الصدور عشان تسكر بعدها بتجمعي اطراف الكيس وبتلفي متل الصره اكتر من لفه بعدها بتفتحي الكيس وبتاخدي الصره عايدك وعالصينيه وهيك بتخلصي كل الكميه وبتحطيهم بالصينيه وبتدهني وجههم خلطه يلي هي
٥ سنون ثوم مهروس مع زيت قلي وملح وملح ليمون وكاري وبهار مشكل وكمون بتدهني وجه كل صره وبتحطي بالصينيه كاسه مي وبتدخليها الفرن مقصدره الصينيه نصف ساعه الا ساعه الا ربع حسب الفرن وبس تستوي بتحمري وجهها
هلا انا فلفلت كميه رز قدمتها جنبو عشان الاطفال رز اوزي بنفس الطريقه يلي فوق وحطيت جزر وبازيلا ومكسرات عالوجه
الصوص
بتحطي كل مكونات الصوص الا موزريلا سوا وبتغليهم ١٠ دقائق وبعدها ضيفي الموزريلا واتركي دقيقتين واطفي الغاز
