اللازانيا سلسة المذاق الأفضل مع ساره عطيه 2
اللازانيا سلسة المذاق الأفضل مع ساره عطيه 2
المقادير
- علبة لازانيا ٤٥٠ جرام
- تجهيز اللحمه:
- ٣ معالق زيت
- بصلتين مبشورين وسط
- ملح
- فلفل أسود
- بابريكا
- كسبره ناشفه
- ٥٠٠ جرام لحمه مفرومه
- مكعب دجاج
- رشة سكر
- ٣ معالق صلصة جاهزه
- ٣ معالق صلصة
- تجهيز البشاميل:
- معلقة زبده
- اتنين زيت
- ٤ معالق كبيره دقيق
- نضيف لتر ميا
- ٤ معالق لبن بودر
- معلقة قشطه
- معلقتين جبن كريمى
- جبنه شيدر مبشوره
- الوجه:
موتزاريلا
الخطوات
اللازانيا ألذ من أجدعها مطعم . . . المكونات علبة لازانيا ٤٥٠ جرام . . . اولا نجهز اللحمه ٣ معالق زيت ننزلهم في حلة سخنه على النار ونضيف بصلتين مبشورين وسط وملح وفلفل أسود وبابريكا وكسبره ناشفه وبعد مانشوحهم نضيف ٥٠٠ جرام لحمه مفرومه لما يتحول لونها للبنى نضيف مكعب دجاج رشة سكر ٣ معالق صلصة جاهزه ٣ معالق صلصة بيتى ميا تغطى اللحمه ونسيبها تغلى شويه وتكون جاهزه . . . البشاميل معلقة زبده +اتنين زيت ننزل عليهم ٤ معالق كبيره دقيق نقلبهم شويه ثم نضيف لتر ميا و٤ معالق لبن بودر لما يبقى البشاميل دافى نضيف معلقة قشطه معلقتين جبن كريمى ونقلب كويس لحد مايتقل البشاميل . . . نحضر الصينيه اللى هندخلها الفرن ونغطى ارضيتها بالبشاميل ثم نرص اللازانيا ثم طبقة من اللحمه ثم بشاميل ونرش عليهم جبنه شيدر مبشوره ونكرر الطبقات حتى الانتهاء من كل الكميه اخر طبقه نغطيها بلحمه ثم البشاميل ونغطى الصينيه بفويل وتدخل فرن سخن على ١٨٠ بس من تحت لمده نص ساعه ونخرجها نشيل الفويل ونرش على الوش موتزاريلا وتدخل الفرن تانى تاخد وش دهبى ولما تخرج تقطع
تقدم وبالهنا والشفا
