عيش السرايا بالسميد بطريقة سهلة

المقادير

• كاسة سميد يفضل تكون خشنة أو ناعم إذا مش متوفر أنا عملتها بناعم
• كاسة سكر
• كاستين مي
• معلقة فانيلا للطعمة او معلقة مية ورد أو زهر
• الطبقة التانية:
• ثلاث ملاعق نشا
• كاسة سكر
• ثلاث كاسات حليب
• علبة قشطة

الخطوات

الطبقة الاولى السميد بنحط كاسة السكر ع نار هادية لتتكرمل ويصير لونها ذهبي بنضيفلها كاستين المي وبعدين السميد والفانيلا وبنحركها منيح لتثقل

وبنصبها بالقالب

بعدين بنحضر الطبقة التانية بندوب السكر مع الحليب والنشا عالبارد وبعدين بنحطها عالغاز وبنحركها لتثقل وبنصبها فوق طبقة السميد الي بردناها

وبعدين بنزينها يالي متوفر فستق حلبي لوز جوز هند انا ما كان متوفر عندي إلا حبيبات كاكاو فحطيت عالوجه منها وبنقطع وبنحطلها قطر حسب الرغبة تلات كاسات سكر وكاستين مي وعصرة ليمون

وصحة وهناااا