تفريز الخضروات والفواكه سلسلة نصائح ام ديما في الطبخ 7
تفريز الخضروات والفواكه سلسلة نصائح ام ديما في الطبخ 7
الملوخية…. بتفرزيها بطريقتين اما وهي خضرا عن طريق انه تغسيليها وتنشفيها من المي مزبوط وبعد هيك بتفرميها وبتحطيها في علبة مي صغيرة أو حسب كمية الملوخية اللي عندك وأهم شي إغلاقها بإحكام ووضعها في الفريزر.
وإذا بدك اياها ناشفه… اغسليها وافرديها على مشمع أو قطعة قماش نظيفة ويخليها تنشف ايام وبس تنشف افركيها بايدك حتى تصبح ناعمة واحفظها باكياس.
الليمون…. ممكن انك تعصريه وتحفظيه العصير بقوالب الثلج في الفريزر وعند كل استخدام تطلعي قالب صغير وتستخدميه.
وكمان طريقه ثانية أجدادنا كانو يعملوها انهم كانوا يحفرو بالتراب ويضعوا حبات الليمون في التراب ويغطوه وكان يبقى كأنه طازه.
الجزر… افرمي الجزر بالحجم اللي بدك اياه وضعية باكياس التفريز.
الفول الأخضر….. يتم فرمه ووضعه في طنجره بدون زيت على الغاز وتغطيته على نار هادئة وثم تحريكة حتى يتغير لونه واتركيه يبرد وضعيه في أكياس التفريز.
الموز…. ضعي الموز في الخلاط بدون ماء واخلطيه مع عصرة ليمون فقط وضعيه في الفريز وهي الطريقه كثير بتريح لأنه إذا بدك تعملي عصير موز أو كيكة الموز بسرعة بتستخدميها وما رح تغلبك.
البلح أو التمر…. اذا عندك كميه كبيرة وخايفه يخرب بس حطيهم بالكيس وعالفريز ويصير البلح أطيب واطرى.