رز و فريكة دجاج على طريقتي سلسلة اكلاتي وحلوياتي 8
رز و فريكة دجاج على طريقتي سلسلة اكلاتي وحلوياتي 8
رز و فريكة دجاج على طريقتي سلسلة اكلاتي وحلوياتي 8
المقادير
- صحنين فريكة
- صحنين رز عادي(مصري)
- دجاج مقطع ارباع أنا استعملت فخاذ الدجاج بس
- بيتنجانة كبيرة مقشرة
- فطر مقطع
- ملح
- فلفل
- بهارات مشكلة
- زيت نباتي
- منكهات للجاج:
- ورق غار
- كزبرة
- قشر ليمون
- بصلة
- عيدان قرفة
- حبات ثوم مع قشرها
الخطوات
بنغسل الفريكة منيح وبننقعها بالمي لمدة ساعة وبنغسل الرز وبننقعه كمان
بنحضر البيتنجان بعد تقشيره بنقطعه دوائر وبعدين نقسمهم نص دائرة وبنقليهن هنه والفطر المعلب المقطع وبنخليهم ع جنب
بنسلق الجاج بهالوقت وبنحطله المطيبات وبعدين الفلفل والملح والبهارات بنطلع الجاج بعد ما يستوي وينصفي مية السلق وبنقسمها لقسمين قسم بنحطه للفريكة وبنطبخها فيها بطنجرة لحالها بعد ما نغسلها ونصفيها كويس وباقي المرقة بنطبخ فيها الرز بطنجرة تانية وممكن نقلي الجاج ونطبخه مع الرز والفريكة أو بنحطه بعد ما يستوا
بعد هيك بنطفي عنهم وبنجيب قوالب يايريكس أي شكل متوفر وبنبلش نحط طبقة فطر وبنحط الباذنجان المقلي عالداير وبنحط الفريكة بأول قالب أنا حطيت قالب نصه فريكة وشوي رز معه زاكين مع بعض وقالب تاني نفس الشي بس كله رز للي ما بيحب الفريكة وبنكبسهم منيح وبنقلبهم ونقدمهم مع الجاج المقلي وبنزينهم حسب الرغبة وبنحطلهم فستق أو لوز ومعهم لبن وسلطة.
وصحة وهناااا
