أحب وصفة كوكيز صحي لقلبي إن شاءالله تعجبكم
أحب وصفة كوكيز صحي لقلبي إن شاءالله تعجبكم
المقادير
- كوب شوفان ممكن تتطحنوه ليصبح ناعم
- كوب دقيق أسمر
- بيضيتن
- نص كوب طحينية سائل أو راشي
- كمية تمر مهروس حسب الحلاوة اللي تحبوها
- رشة ملح
- ملعقه فانيليا
- ملعقة كبيره قرفة اللي مايحب قرفه ممكن مايحطه أو يبدله
- ثلث كوب زيت سمسم واللي ماعنده يعوضه بزيت زيتون أو قطعة زبده حيواني أفضل من الزيوت المهدرجه
- وكمية من الزبيب حسب الرغبة والكمية والصراحة الزبيب يضفي علية طعمة حلوة لانة يكسر طعم التمر ويدمجة مع حموضة خفيفة من الزبيب
- والتزيين أختياري أنا زينته باالشعيرية الناعمة وبرش جوز الهند وطلع مقرمش ولذيذ وماينشبع منة
الخطوات
نخفق البيض مع الملح والفانيليا والقرفة ونحط معاهم الزيت أو الزبدة ونحطهم على التمر حتى يتجانس وبعده نحط الطحينية السائل ونحط الدقيق والشوفان ونحط الزبيب ومانكثر عجن
نحمي الفرن من فوق وتحت
نكور العجين ويكون متماسك مش رخو كثير ولا قاسي ونحطة فوق الشعيرية اللي قطعتة صغار ونسويه مثل البرازق براس الأصابع نمد الكور على الشعيرية فوق وتحت حتى تتشكل مثل الصورة
ممكن تجيبي بدل الشعيرية مكسرات مهروشة او جوز الهند
نحطة بفرن حامي ويكون النار من تحت عالية ومن فوق وسط ويكون باالرف الوسط ممكن ياخذ معك تسع دقايق أو عشر وعينك ميزانك إذا تحبية مقرمش اكثر ممكن تتركية على نار هادية
وباالعافية عليكم إن شاءالله أتمنى تجربوه وينال إعجابكم .
