كبسة على ذوقي

المقادير

• صحنين رز بسمتي حبة طويلة
• دجاجة مقطعة
• كيس بازيلا وجزر
• حبة كبيرة فليفلة حلوة
• حبة كبيرة بطاطا
• قرن فلفل حار وسط
• بهارات كبسة خشنة وناعمة
• حبات لومي
• حبات هيل
• ملح
• فلفل أسود
• زيت نباتي
• حبتين بصل
• نص راس ثوم
• السبع بهارات
• مية بندورة

الخطوات

بننقع الرز شي ساعة وبنظف الدجاج وبنقطعه وبنسلقه مع المطيبات ورق غار حب هيل عيدان قرفة قشر ليمون شرحات بصل وثوم ولما يغلي بنضيف للمرقة بهارات الكبسة وملح وفلفل ومية بندورة ثلاث معالق كبار وخلطة السبع بهارات وبعد ما تستوي الجاج بنطلعه وبنقليه و بنصفي المرقة

بنصفط الجاج بقاع الطنجرة بنقطع البصل والثوم والبطاطا بتقشرها وبنقطعها مكعبات وينقطع الفليفلة الحلوة والحارة وبنقليهم كلهم وبنخلط جزء منهم مع الرز وجزء بنخليه نحطه عالوجه بس تستوي بنحط الرز فوق الجاج بالطنجرة وبنغمرها بالمي وعالغاز لتستوي

بنقدمها مع اللبن أو السلطة زاكية كتير جربوها

وصحة وهناااا