وصفة تارت التفاح والسينابون
وصفة تارت التفاح والسينابون
المقادير
- كاستين طحين
- بيضة
- ملعقة خميرة
- ملعقة سكر
- كاسة حليب سائل دافي
- زبدة ١٠٠غم
- فنجان سكر
- ملعقة فانيلا
- الحشوة:
- حبتين تفاح
- ملعقتين كبيرة قرفة
- معلقتين سكر
- معلقة زبدة
الخطوات
بنعجن الطحين والزبدة والسكر والخميرة والفانيلا بالحليب حتى تصبح عنا عجينة متماسكة ،بنغطيها وبنتركها ترتاح نص ساعة .
بنقطع كرة متوسطة من العجينة وبنرقها وبنفردها بقالب التارت المدهون زبدة وطحين وبنرفع العجينة على جوانب القالب .
بنقشر وبنقطع التفاح مكعبات صغيرة بنحطهم بمقلاية ع النار مع معلقة زبدة ومعلقة سكر وبنقلبهم لحتى يذبلوا وبطفي النار وبنضيف القرفة
بنفرد التفاح فوق العجينة بالقالب وبنغطيها بشرائح من العجين المقطع قطع طولية .وبنغطيها بالطول وبالعرض لتصبح على شكل شبك
ثم تخبز بالفرن على حرارة 180
السينابون
بنفرد العجينة وبنقصها على شكل مستطيل وبنرش العجينة سكر وقرفة وزبدة وبنقطعها شرايح بالطول وبنلف كل شريحة على حدا وبنصفهم بصينية مدهونة زبدة وبنخبزهم بالفرن على حرارة 180
وبنشربها بحليب مكثف
وصحة وهنا
#حلويات ام نضال
