كيكه الامواج بطعم الفانيلا شكل وطعم ولا اروع سلسله وصفات من فرني 5

المقادير

• 2 ونص كوب طحين مقسومين كل كوب وربع على حدا
• 5 بيضات كباار بدرجه حراره الغرفه معزولين البياض عن الصفار
• كوب سكر مقسم لقسمين كل قسم نص كوب على حدا
• كوب حليب سائل مقسم قسمين كل نص كوب على حدا
• معلقتين صغار فانيلا سائل معلقه للبياض ومعلقه للصفار
• معلقتين صغار بيكنج باودر معلقه للبياض ومعلقه للصفار
• معلقتين صغار خل معلقه للبياض ومعلقه للصفار
• معلقتين كبار كاكاو بودره
• رشه ملح لخليط البياض ورشه لخليط الصفار

الخطوات

بسم الله نبدا

بالبدايه بنقسم جميع المقادير لقسمين بالتساوي قسم لبياض البيض وقسم لصفار البيض لسهوله وسرعه العمل

بالبدايه نفصل الصفار والبياض عن بعض وبنبلش بالصفار بنضيفلو السكر ورشه الملح والفانيلا والخل وبنخفقو وبعد هيك بنضيف الزيت والحليب وبنستمر بالخفق وبنبلش نضيف الطحين المنخول مع البيكنج باودر لما يختفي الطحين مع الخليط ويمتزج منيح بنتركو عجنب وبنبدا بالمرحله الثانيه

بنبلش ببياض البيض بنخفقو مع الفانيلا ورشه الملح وبعد هيك بنضيف السكر وبنستمر بالخفق لما يسير الخليط شبه كريمي بنبلش نضيف الحليب والزيت تدريجيا وبنخفق وبنضيف الطحين المنخول مع البيكنج باودر شوي شوي مع التحريك بملعقه خشبيه او سباتيولا بنخلطو من تحت لفوق وبس نخلص من اضافه الطحين ويمتزجو مع بعض بندهن القالب زيت وبنرشو بشويه طحين وبندير اول طبقه من خليط صفار البيض بنرش طبقه منيحه من الكاكاو البودره انا استعملت مصفاه الشاي لرش الكاكاو

وبعد هيك بندير الطبقه الثانيه من خليط بياض البيض وبنرجع كمان مره نرش طبقه منيحه من الكاكاو البودره فوق خليط الطبقه الثانيه من بياض البيض وبنرجع بندير طبقه ثانيه من صفار البيض وهيك بنكون خلصنا وبنفوت القالب على فرن محمى مسبقا على درجه 180 تقريبا لمده خمسه واربعين دقيقه او حسب الفرن وحجم القالب يلي عندك وبس يبرد يزين حسب الرغبه و يقطع ويقدم والف صحه وهناا

ملاحضه رشات الكاكاو هيه الي رح تعطينا شكل الامواج طبعا مع فصل الخليطين عن بعض

بنقدر نستغني عن فصل البياض والصفار وخلطعم مع بعض بس بنحافظ على وضع طبقتين بالوسط من رشات الكاكاو

انا زاد معي شوي من خليط بياض البيض واستخسرتهم وحطيتهم بشكل عشوائي على وجه القالب

بتمنى تعجبكم وتضيفوها للمفضله تحياتي الكم جميعا رشا ام احمد