الدميه المشؤمه

مى) عنيها بجد كانت غريبة جدا الابيض اللى فب عينها كان اكثر من الاسود بكتير اوى و كل الابيض ده بقا فيه شرايين لونها احمر كده و بتبصلى جامد و كأنها عاوزة تقولى خافى منى قولتلها خلاص خلاص انتى حرة اخرجى برا سيبينى لوحدى خرجت حنين من الاوضة و انا بصيت فـي الساعة لقيتها 3.50 المغرب و بعدها انا غرقت فــ النوم و كأنى مانمتش قبل كده فــي حياتى حلمت حلم غريب اوى و كان الحلم كــالتالى : انا واقفة قدام باب بيتنا و بخبط ع الباب كتير اوى و انا عارفة ان مافيش حد جوه بس بردو بخبط و مستنيه حد يفتح و مرة واحدة لقيت الباب فعلا اتفتح بس مين الى فتحلى الباب!!!!!!!!!! ((((((العروسة)))))))))) صحيت و انا مخضوضة و قلبى بيدق بسرعة اوى و كأنى كنت بجرى حسيت ساعتها انى نمت يوم كامل قولت يا نهار ده انا ماجهزتش و عيد ميلاد حنين خلاص شكله هيبدأ بصيت فـــ الساعة لقيتها 3.51 ! ايه ده يعنى ايه؟!!!!! انا كل الى نمتو ده كانت دقيقة واحده؟!!!!ازاى يعنى انا نمت كتير اوى لقيت باب اوضتى بيخبط قولت ادخل الباب بردو بيخبط اكتر قولت ادخل ياللى برا ادخل زاد التخبيط اوى روحت قمت من مكانى و قربت ناحية الباب و حطيت ايدى ع المفتاح لقيت الباب مقفول بالمفتاح من جوه!! انا اصلا مش قفلت الباب انا ماقمتش من مكانى بعد ما حنين خرجت من الاوضة! فتحت الباب مش لقيت حد بصيت يمين و شمال لقيت حنين واقفة قدام باب الحمام و بتبص فــي الارض و شعرها كلو مفرود عوشها و كانت ماسكة العروسة المخيفة دى فـي ايدها كان شكلها مرعب بجد ندهت عليها اكتر من مره و لكن ماردتش عليا و كأنها مش سامعانى لا كأنها موش موجوده اصلا انده اكثر و اكثر بصوت عالى و انا مش قادرة اتحرك من مكانى خالص و مرة واحده دخلت حنين الحمام و رزعت الباب وراها بـــ قوة مستحيل تكون عند طفلة عندها 7 سنين صوت و ندهت ع ماما و بابا ماحدش رد عليا جريت و فضلت اخبط ع باب الحمام و احاول افتحه و انده ع حنين و لكن…….. #قصص_وروايات ✏ #الدمية_المشؤومة 🧟‍♀ الجزء الثانى: @novels_stories لكن بخبط ع الباب زى المجنونة بحاول اكسر الباب بصوت و بنده باااااااابااااا….. مااااااماااااااا ….. مافيش حد بيرد عليا حنين افتحى يا حنين !! و مرة واحدة لقيت ايد بتمسك فــي ايدى و بتقولى سلمى!! بصيت جمبى لقيت حنين !! قولتلها انتى ازاى هنااااا؟؟؟ انتى مش دخلتى الحمام دلوقتى و قفلتى الباب جامد! لقيت ماما جاية وراها و بتقولى احنا لسة راجعين من برا كنا بنشترى شوية حاجات للحفلة بالليل !! قولتلها ماما اقسم بالله انا شفت حنين دخلت الحمام دلوقتى و قفلت عليها الباب جامد و………ماما قاطعت كلامى و قالتلى لا يا سلمى مش معقولة كده انتى اعصابك تعبت خالص ندهت على بابا و قالتلو تعالى شوف بنتك و سابتنا و مشيت بابا قالى : مالك يا سلمى فيه ايه !؟ قولتلو: مافيش حاجة يا بابا مافيش سبت بابا و دخلت اوضتى و قفلت على نفسى بالمفتاح و قعدت فــي نص السرير و انا سارحانة فـي اللى بيحصلى ده! معقولة اكون انا غلط؟! معقول اكون فعلا بيتهيألى ؟؟؟ معقولة اكون فعلا اتجننت زى ما مامتى بتقول! مرة واحده حد خبط باب الاوضة قلت مش عاوزة اتكلم مع حد لو سمحتو سيبونى فــي حالى لقيت حنين بتقولى افتحى يا سلمى عاوزة اقولك حاجة قولتلها روحى يا حنين مش عاوزة اسمع حاجة قالتلى علشان خاطرى افتحى انا شفت وحده شبهى ماشية فــي الصالة دلوقتى و خايفة اوى !! جريت فتحت الباب و قولتلها ايه اللى حصل ؟ قالتلى بصوت متردد : انا كنت قاعدة فــي الاوضة بتعتى بلعب بالعروسة و شفت وحده شبهى معدية من قدامى و هى ماسكة عروسة زى عروستى بالظبط بس كان شكلها يخوف و كان شعرها نازل على وشها يا سلمى بابا و ماما خرجو و انا خايفة خلينى قاعدة معاكى هنا قولتلها تعالى بس نشوف مين دى اصل انا و انتى شوفناها يبقا اكيد هى موجوده معانا هنا اخدت حنين من ايدها و خرجنا برا الاوضة و فضلنا نلف فــي الشقة كلهاو احنا بندور ع البنت دى شوفنا حاجات غريبة اوى ! خصلات شعر طويلة و سودة جدا مرمية على الارض !! و ريحة غريبة ملت المكان و كأنها ريحة شعر بيتحرق! اخدت خصلة شعر و قربت على شعر حنين هو هو نفس الشعر الى مرمى فــي الارض وحدة واحدة حسيت ان شعر حنين بيخف! بيقل فعلا و كأن الخصلات دى بتقع من شعرها هى كنت عاملة زى المجنونة فضلت امشى ايدى ع شعر حنين و اشده شدات خفيفة كده أتأكد هو فعلا بيقع ولا ايه بيحصل! ولكن شعر اختى مابيقعش!! زاد الخوف جوايا بدرجة غير متوقعة و مره واحدة حسيت حد بيتكلم ورايا و بيقولى (الخاتم مش هو بس ثمن العروسة…..انا قولتلك العروسة غالية بس ماكانش قصدى على الخاتم بس يا سلمى) بصيت ورايا شوفتها ….اه هى نفس الست العجوزة المخيفة الى اشترينا منها العروسة قولتلها انتى جاية هنا تعملى ايه و عاوزة ايه منى ؟!! قالتلى انا مش عاوزة حاجة انا جاية آخد باقى ثمن العروسة يا سلمى و انتى وحدك الى هتدفعية حاولت أجرى و لكن انقضت عليا و كأنى فريسة ليها و فضلت تخنق فيا جامد اوى لحد ما حسيت انى خلاص بموت مش قادرة اخد نفسى الدنيا بدأت كلها تسود!! ايه ده هو انا فعلا بموت؟؟؟؟و مرة واحدة الدنيا اسودت خاالص لقيت حد جمبى بينده عليا و بيحاول يصحينى سلمى …. سلمى …. فوقى يا حببتى!! انا فتحت عيونى لقيت بابا قاللى مالك يا سلمى ايه اللى رماكى ع االارض هنا كده ايه اللى حصل ؟؟ بصيت حوليا ايه ده؟؟ انا فــي الحمام!!! @novels_stories ايه اللى جابنى هنا….انا ازاى وصلت لــ هنا؟؟ بابا قالى انتى بتسألينى انا يا سلمى؟ انا اللى بسألك ايه الى حصل؟ سكت خالص كل اللى كنت بعملو بعيط من غير صوت بابا شالنى و دخلنى اوضتى و نيمنى على السرير و خرج سمعت بابا و ماما بيتكلمو قدام باب الاوضة و ماما بتقول : لا يا محمد كده كتير البنت لازم تروح لــ دكتور نفسى انا مش هفضل ساكتة لحد ما بنتى تروح منى بابا قالها : لا يا ولاء مستحيل اعرض بنتى لــحاجة زى كده الناس يقولو عليها ايه؟ اتجننت؟! و فـ نفس الوقت اللى هم بيتكلمو فيه حسيت بــحاجة ثقيلة اترمت على رجلى و انا نايمة بصيت عالحاجة دى و ياريتنى ما شوفتها…………. @novels_stories يتبع بالجزء