كرات البطاطس المقرمشة بطريقتي الخاصه رائعه جدا
كرات البطاطس المقرمشة بطريقتي الخاصه رائعه جدا
المقادير
- أربع حبات بطاطا حجمهم وسط
- معلقه كبيره زبده ( إختياري)
- جبنه صفرا مبشوره ( أي نوع بتفضليه)
- ٢ بيضه
- بقسماط
- معلقه صغيره بهار دجاج
- ملح وفلفل أسود
- زيت للقلي
الخطوات
بسم الله نبدأ
غسلت حبات البطاطا وقطعتهم لحلقات سميكه
غمرتهم بالميه ورشيت رشه ملح لما غليت الميه وطيت النار وتركتهم لحتى يستو ع الأخير
لما إستوت شلت الميه عنها وغسلتها بميه بارده قشرتها وحطيت معلقه الزبده ورشه ملح وفلفل
هرستها كويس بإيدي لتمتزج كويس
كل ما إنعجنت أكتر بتصير تتكور بسهوله معنا
خفقت البيض مع رشه ملح وفلفل أسود
بهرت البقسماط ببهار الجاج وملح وفلفل أسود
أخدت قطعه من عجينه البطاطا وعملت فتحه بالنص وحشيتها جبنه كورتها كويس وسكرت ع الجبنه
غطست الحبات بالبيض المخفوق بعدين غلفتهم بالبقسماط
حطيتهم بالتلاجه لساعتين ليتماسكو
بلشت أقليهم بزيت غزير وحامي حمرتهم كويس حطيتهم ع ورق كلنس ليمتص كل الزيت
ووووووويعطيني العافيه تعبت بالتصوير والكتابه صعب بالنسبه إلى أصور كل الخطوات لأني لحالي ما ف حدا بساعدني بس منشانكم بحاول وإزا ما بتدعموني بالتعليقات راح أزعل كتيرررررر كتيررر ههههه بمزح ولو إنتو قدهاااااا
بتمنا هالوصفه البسيطه تعجبكم وتدعولي يا قمراتي بالعافيه والصحه
قدمتهم مع مايونيز وكاتشاب كتيررررر طيبين خصوصي إنهم من تحت ديادتي
وصحه وعافيه بحبكم أنا
