اطيب والذ طريقة المعروك لرمضان
اطيب والذ طريقة المعروك لرمضان
المقادير
- تلات كاسات طحين
- نص كاسة سكر
- معلقة ونص كبيرة خميرة فورية
- معلقة صغيرة يانسون
- معلقة صغيرة دقة الكعك
- معلقة صغيرة فانيلا
- رشة ملح
- معلقة كبيرة زبدة او سمنة
- كاسة وربع حليب داااافي
- نص كاسة جوز هند
- ربع كاسة حليب مكثف محلا او لوقت تصير عجينة طرية
- تلات معالق كبار شوكلا نوتيلا
- حليب لدهن الوجه سمسم وحبة بركة
الخطوات
يسعدلي نهاركن ومساكن وكل اوقاتكن حبيبات قلبي اشتقتلكن قد البحر وسمكاتو هههه بماأنو رمضان قرب الله يهلو علينا وعليكم بالخير والبركة حبيت اقدملكن هالمعروك اللذيذ والسهل بتمنى من كل قلبي تجربو ويعجبكن يلا نبلش
بسم الله الرحمن الرحيم
حطيت الطحين والسكر واليانسون ودقة الكعك اذا مافي مو ضروري بتحسنو تشيلو كانو ماكان ههه بس بيعطي طعمة اطيب خلطتن سوا ونزلت عليهن بالحليب ل تلتم العجينة بيجوز تحتاجو اقل او اكتر حسب نوع الطحين لازم تكون طرية بحط عليها الزبدة وبدعكا لمدة عشر دقايق بتركا ترتاح ساعة او ليتضاعف حجما
بهالوقت بجهز الحشوة بخلط جوز الهند مع الحليب المكثف لوقت يصير عجينة طرية بتتشكل بسهولة
بجيب هالعجينة وبلعب فيا هههه قصدي بقسما نصين اول نص بقسمو بالنص وبمدن شكل قرص بمد الحشوة بدهن الاطراف بمي وبجيب القرص التاني بحطو عليها وبسكر الاطراف بالشوكة وبالقطاعة بعمل اشكال عالسطح ليعطي شكل حلو
وبعمل نفس الشي بالقسم التاني وبحشيه شوكلا
بدهن الوجه بالحليب وبرش سمسم وحبة بركة بتركتن يرتاحو عشر دقايق
بهالوقت بجهز الفرن لازم يكون حاااااامي مابتاخد وقت يادوب عشر دقايق بطالعا من الفرن بدهن وجهن بالقطربغطيا بكيس نايلون وبتركا كم دقيقة لتطرا شوي وتغب القطر
الطعمة مابعرف شواحكي عنا بخاف مااوفيا حقا عنجد طعمة ولا اطيب
بتمنى من كل قلبي تجربوا وتعجبكن ولا تنسو ها تدعولي
وانشالله الف صحة وهنا
شغلة اخيرة بحببببببكن كومااااايااات
