طريقة مقلوبة الفول الاخضر ..راائعه..

المقادير

• دجاج
• كيلو أرز قصير الحبه
• كميه من الفول الاخضر
• زيت زيتون
• راس بصل مفروم
• حبة بندوره شرائح
• ملح
• فلفل اسود
• كاري
• بهارات دجاج
• كركم
• بهارات مشكله

الخطوات

يسعد أوقاتكم …اليوم وصفتنا مقلوبة الفول الاخضر ولاا أروع من هيك طعم وما في غنى عنها بوقت الفول الاخضر ..

ان شاء الله بتعجبكم الطريقه ..

ويلااا مع شرح الوصفه ..

& اول شي بنسلق الدجاج ..مع راس البصل ..وملح وفلفل اسود وكاري وبهارات الدجاج

وبعد ما يستوي بقليه ليوخذ لون وبتركه جانبا لحتى اجهز الفول

& ببلش بالفول اول شي بشيل حوافه بالسكين وبفرمه وبغسله مزبوط وبصفيه وبقليه بزيت الزيتون أطيب من زيت القلي ..وبعد ما يتذبل بضيفله رشة ملح وفلفل أسود

وكركم لانه بحافظ على لونه اخضر

وما بضيفله مي خلال تقلايته بتركه عالنار اقل من الوسط مع التقليب بين الحين والاخر عشان يتقلى مزبوط ..وهيك بصير جاهز معنا للمقلوبه

& بضع شرائح بندوره بالطنجره وعليها قطع الدجاج والفول بضيفه مع زيت الزيتون يلي تقلى فيه ..بصفي الارز المنقوع من قبل وبضع عليه ملح والفلفل والكاري والكركم والبهارات المشكله ..وبخلطهم مع الارز وبضيفه فوق الدجاج والفول …

بضيفله مرقة الدجاج لحتى ينغمر الارز وبضعه عالنار عاليه لبعد الغليان ويتشرب الارز المي بوطي النار للاخر يستوي عالراحته ..

& قبل التقديم بتركها تهدى عشر دقائق وبعدين بقلبها ..وهيك طبختنا جاهزه للتقديم

وصحه وعافيه

دمتم بخير ..