حلا سهل وسريع شكر بارا حلا تركي مشهور

المقادير

• نص كاسة سكر
• نص قالب زبدة او ١٢٥ غرام
• نص كاسة سميد
• بيضة وبياض بيضة والصفار لدهن الوجه
• ظرف نسكافيه بنكهة البندق
• معلقة كبيرة بكنج باودر
• معلقة صغيرة فانيلا ورشة ملح
• تقريبآ كاستين ونص لتلات كاسات طحين لتكون عجينة طرية
• للقطر
• كاستين سكر
• كاستين ماء
• ربع معلقة صغيرة ملح ليمون

الخطوات

يسعدلي كل اوقاتكن حبيباتي من كم يوم بعتتلي صاحبت بيتي هالحلو وقد ماكان طيب كان لازم ادور وابحبش عالطريقة ولازم ها لازم اجربو واعزمكن عليه قصدي انزلكن الطريقة هههههه يلا لنشوف طريقة هالحلو الذيذ والسهل بتمنى تجربو ويعجبكن

بسم الله الرحمن الرحين

اول شي عملتو هو القطر حطيت المكونات عالغاز وتركتو يغلي عشر دقايق وتركتو عالزيق لوقت نعمل الحلو

خلطت الزبدة والسكر والبيض والنسكافيه والفانيلا والسميد والبيكنج باودر ورشة الملح لاختلطو شوي نزلت عليهن بالطحين لوقت صارت عجينة طرية قطعتن قطع متساوية وصرت شكلن شكل قرص الكبة وصفيتن بالصينية داهنتا زيت بعد ماخلصت كل الكمية جبت الصفار بيضة ودهنت وجهن وصرت بالشوكة اعملا خطوط دخلتا الفرن حامي لعشر دقايق طالعتا وحطيت عليها القطر دافي وهيه سخنة تركتن كم ساعة مشان تشرب كل القطر واذا تمت لتاني يوم اطيب واطيب ههههه عملوا وعزموني عليها ها ههههه هي كانت وصفتي حلوة وسهلة بتمنى من كل قلبي تجربوا لانو متأكدة رح تحبوا

انا بصراحة حبيت اقدما جنب القهوة ههه بتطلع كتير لذيذة

وصحة والف هنا

بحبكن انااااااا