السمك المشوي بالفرن ملكة رمضان

المقادير

• سمك حجم وسط
• ضمة بقدونس
• ثوم مهروس
• عصير ليمونه
• ملح
• فلفل اسود
• بهارات سمك
• كاري
• زيت زيتون

الخطوات

السلام عليكم ورحمة الله وبركاته.. انا هاي اول مشاركه الي ع زاكي وبتمنى انها تنال اعجابكم..

نبلش بالطريقه سوا

* اول شي بنظف السمك كويس ونغسله بطحين وخل وملح عشان ريحته

* في جاط ع جنب بنهرس الثوم ونحط عليه البقدونس المفروم وزيت الزيتون وجميع البهارات وعصير الليمون ونخلطهم كويس هيك بتكون التتبيله جاهزه

* نرجع للسمكه نعمل فيها فتحه ع طول السمكه ونضع الحشوه داخلها *بعدين بنجيب صينيه ونضع السمكه فيها وباقي التتبيله بنوزعها ع السمكه وعلى باقي الصينيه

* نغطي الصينيه بورق قصدير وع الفرن مباشره

* نتركها حوالي نصف ساعه او لحتى تنشف المي عنها

* نحمرها تحت الشوايه لحتى تتحمر وهيك بتكون سمكتنا الزاكيه جاهزه

* بنقدمها مع سلطه او بقدونسيه او يلي بتحبوه السمك شو ما اكلنا معه زاااكي

* اخر شي بتمنى انكم تقبلوني بيناتكم وان شاءالله اكون قدرت اوصل الكم الطريقه لاني انا مش متعوده اكتب انا بس عليه اوكل وبتمنى انكم بالشهر الفضيل تدعو لابني مالك بالشفاء العاجل ورمضان كريم علينا وعليكم