طريقة عمل القراقيش الفلسطينيه بنكهتين ملكة رمضان
طريقة عمل القراقيش الفلسطينيه بنكهتين ملكة رمضان
طريقة عمل القراقيش الفلسطينيه بنكهتين ملكة رمضان
المقادير
- العجينة:
- ٢ كوب طحين اسمر
- ١ كوب طحين ابيض
- نصف كوب زيت نباتي
- ٢ م ك حبه البركه
- ٢ م ك سمسم
- ١ م ك يانسون حب
- ١ م ك شومر مطحون
- ١ كوب ماء دافئ للعجن …ممكن اكتر شوي حسب نوع الطحين
- التززين:
- ٢ كوب قطر ثقيل وبحراره الغرفه
- للقلي:
- ٣ كوب زيت نباتي
- العجينة الثانية بنكهه القرفه مع جوز الهند:
- ٢ كوب طحين اسمر
- ١ كوب طحين ابيض
- نصف كوب زيت نباتي
- ١ كوب ماء دافئ للعجن …ممكن اكتر شوي حسب نوع الطحين
- نصف كوب جوز هند
- ١ م ك قرفه
الخطوات
مسا الخير ياقمرات كيفكم …طبعا اكيد اشتقتولي ههههههههه ع اساس مش كل يوم عندكم ههههههههه
هالقرقوشات الزاكيات يلي قدامكم طعم وشكل وسهولة كمان …..هالوصفه عملتها انا وام احمد الغاليه سوا …ع طريقه الشيف حور …الله يجزاهم الف خير ..شيف رشا وشيف حور …مع انو ما صحلي اتعرف عليها ولكن الله يذكرها بالخير وين ما تكون هسه
تعووووو نبدا وبكفي رغي ئي
نخلط المواد الجافه معا ….كل عجنه لحال ممكن تقسمي الخليط للنصف وتعملي كل عجنه نكهه مثل ما عملت هون انا
..المهم ثم نضع الزيت ونخلط بطريقه الفرك ….ثم نضيف الماء تدريجيا …لتتكون عنا عجينه ملساء ناعمه وطريه
نريحها عشر دقائق …ونركها ع سطح مرشوش طحين ونقطعها بالقطاعات او بسكين نعمل شرائح
وعند انتهاء الكميه نقليها بزيت نباتي ساخن نوعا ما …ومن الزيت ع القطر
***اختلاف الالوان بسبب اختلاف الاضاءه ولا كلهم نفس اللون …ماعدا نكهه القرفه
*******وتقدم بالف هنا وصحه ❤️*********
