كوسا مقطعه مكعبات باللحمه المفرومه والبندوره ملكة الاكلات الاردنيه

المقادير

• لحمه مفرومه خشن
• اربع حبات كوسا حجم كبير او وسط
• خمس حبات بندوره حمرا
• معلقة صلصه ممكن نستغني عنها
• ملح
• فلفل اسود
• بهارات مشكله
• زيت للطبخ
• راس بصل ناشف
• سنين ثوم

الخطوات

بسم الله الرحمان الرحيم

يسعد.كل اوقاتكم يا حلوين اليوم بمكن تستغربو من هالطبخه لانها يمكن انقرضت بالنسبه لجيل الشاورما والزنجر…لكن بحب ارجع كل فتره لطبخات الاباء والاجداد الي تربو عليها وكانت بسيطه وسهله ومغذيه وكلها خير وبركه وقناعه حتي ايام زمان نادر ما تشوفي حد مصاب بالسمنه لانه اكلاتهم وخبزاتهم صحيه حتى الخبز كان نصه طحبن قمح ونصه طحين ابيض والرغيف برد الروح وهو طالع من الطابون او نازل من الصاج وكل اكلاتهم كانت تغميس والرز شبه معدوم وهذا سر اللياقه عندهم واحنا ما عاد نستغي عن الارز والدليل الطبخه الي قاعده بنزل فيها مرافقها الارزوهذه الاكله معروفه بالاردن وفلسطين وسوريا ومصر وكثيرمن الدول العرببه

تعالو حبايبي نشوف الطريقه وغالبية الخضار بتنعمل بهذه الطريقه

بداية بحضر كل شي حتى تتم العمليه بسرعه وبنجاح بحضر الطنجره وبضع فيها الزيت والبصل وبذبله وبضيفله اللحمه المفرومه والبهار والملح والفلفل الاسود بقلبهم مزبوط بغطي عليهم على الواطي لمدة خمس دقايق مع المتابعه وبعدين بضيف الكوسا وبقلبها مزبوط بضيفلها شوية مي او شوربه وقبل ماتنضج بكون عصرت البندوره مع سنين تومه بالخلاط بصفيهم وبضيفهم وبتركها لما تنضج وبكون زبطت الملح والفلفل والبهار بعمل جنبها ارز وبقدمها كثير طيبه وخفيفه على المعده وبارده بالصيف وصحيه

وبتنعمل بطريقه تانيه للتغميس بدون ارز نفس الطريقه بس ما بنضبف عصير البندوره بنصيف البندوره المفرومه وبنتركها تتسبك مع بعض وبنزبط الملح والفلفل وبنحصل على اكله صحيه وطيبه خاصه لعشاق الريجيم وبتتغمس مع خبز القمح واحلى ريجيم على طريقة اجدادنا الله يرحمهم جميعا لانهم فعلا كانوا راقيين في طريقة اكلهم

استودعتكم لله جميعا يا احلى اخوات في الله