رز مفلفل مع جاج و خضار
رز مفلفل مع جاج و خضار
المقادير
- جاجه مقطعه من دون جلد
- رز بسمتي كاستين
- خضار:
- بطاطا
- كوسا
- بصل
- فلفل
- بندورة
- الي بدك ايا
- فلفل اسود حب
- ورق غار
- قرنفل اربع حبات
- للتبيله:
- لبن
- صلصله
- زيت
- بهارات
- معلقة خردل
- معلقه مايونيز
- ملح طبعا
الخطوات
بسم الله الرحمن الرحيم
صلوا ع النبي ..اللهم صلي ع سيدنا محمد… زيدوا النبي صلاه ☺️
ياحلوات يامعدلات وصفتنا كتير بسيطه وسهله وع السريع اعملتها لاهلي اجوني فجاءة عشان بنتي قامت بسلامه الحمد الله
يلا نروح المطبخ
بطنجرة بحط الزيت مع فلفل الاسود مع القرنفلات مع ورق الغار بقليهم
بدب فوقهم هاالرزات المنقعوات
مع رشه ملح واي بهار حابه تحطيه حطيه
بعدها بحط مي وبخليهم ينطبخوا
باجي هلاء للجاج بكون منظفيتو بغسلوا كويس كويس كويس كويس كويس ببولا بحط هاللبنات مع الصلصات مع الخردلات مع الزيتات بظل احرك واحرك واحرك
بعدين بحط الجاج بالتتبيله هي لازم تنقع ساعه او اكتر بس انا كنت مستعجله لانهم بعد العشا اهلي بكون عندي
جبت صينية وقطعت الخضار وبرضو حطيتلوا من التتبيله وعالفرن
شي ساعه
بعدين فردت هالرزات بصينيه فوقهن هالنم نم
لو كان عندي فحم كان برضو فحمت هالاكله الزيزة والله خايفه اقوم اكلها قبل مايجو اهلي لانو طلعت دماااار
بعرف بعرف مداح حالو كزاب
وسلامتكم هاي كل الوصفه
ماتنسوني تدعولي وتدعوا لبنتي
