همسه في دقيقة
همسه في دقيقة
هالقصه منقوله…. يعني من دون سب او ذم والصورة طبعا معبرة جدا
همسه في اذن المتقاعدين :
أثار انتباهي قصة حدثت مع احد المتقاعدين فوجدت فيها شيئا نافعا لهذه الشريحه محتسبا بها وجه الله فالدعاء لي ممن استفاد منها خير ولا تدعوا علينا ..
تدور احداث هذه القصه حول احد المتقاعدين يدعى أبو محمد أحيل على التقاعد وصار تواجده بالبيت دائما.. وكعادة جميع المتقاعدين كثرت ملاحظاته لاهل بيته ، وكثر صياحه مرة يقول طفوا الكهرباء ومرة وطوا المي… وليش عم تغسلوا كل يوم لا تشطفوا الدرج كتير.. وليش.. وليش.. الجميع صار يلعن الساعة اللي تقاعد فيها وخاصة أم محمد . أخيراً انتبه ان الكل متضايق منه فقرر ان يجد طريقة يقلل فيها من تواجده بالبيت فنزل الى السوق وصار يمشي بشوارع المدينة وهو مهموم وفجأة إلتقى بزميلته التي كانت معه بالشغل سابقاً فسألته عن حاله فحكى لها بالتفصيل .
فقالت له: تعال نحط دبساتك على طحيناتي هيك هيك انا لحالي بالبيت . ابومحمد ما كذب خبر راح معاها للبيت وتزوجها على سنة الله ورسوله تاني يوم الصبح رجع للبيت سألته أم محمد خير وين كنت مبارح قلها توظفت . فرحت أم محمد وقالتلو : والله ماقصرت بعدك شباب والناس ما مصدقه انك متقاعد وبعدين التقاعد ماهو مقياس للكبر وإذا اشتغلت تكون شغلت نفسك بشي يفيدك وينفعنا معاك وكما يقول المثل في الحركة بركة يا أبو محمد … وشو الشغل؟
قلها حارس أمن ليلي بقسم العمليات والتخطيط أهم قسم ،
قالت له أم محمد : ماشاء الله عساها مباركة عليك هالوظيفة عسى الله يقويك ويعافيك ويرزقك منها بالخير الكثير . والله خير ماسويت …
المهم صار الرجال مايجي لعند أم محمد إلا الصبح منهك وتعبان من وظيفته الجديدة
وصارت أم محمد. كل يوم الصبح أول مايجي ابومحمد تجهزلو الفطور
وبعد الفطور تقول له : باين عليك تعبان قوم تشطح وريح بدنك وأنا بفيقك الظهر لبين ماتصلي بكون جهزتلك الغداء منشان تروح مرتاح وحيلك قوي
وأحيانا كان يفطر ويروح لعند الجديدة ..
ويقول : أنا اليوم تراني مستلم عن زميلي من الصبح لأنه المسكين عنده ظروف مع عياله ما بيقدر يداوم ….
ترد عليه أم محمد :كفو ياأبو محمد عز الله من يوم يومك شهم وسباق للمعروف الله يقويك ، انت ( قدها وقدود ) الله يجعلها في ميزان حسناتك …
وتودعه بمثل ما أستقبل به من حفاوة وتكريم .
وهيك رجعت لأبومحمد هيبتو وأحترامو وشغل وقتو بشي مفيد للوطن .
ورجع لعيلتو الهدوء والسكينه .
أرجو من يعاني وضع متل ابو محمد يستفيد من التجربه وأجرنا على الله !!!
منقول
لاتزعلوهم ها