حلوى بالشعيريه الباكستانيه ومتل العادة ع طريقتي ههههه

المقادير

• شعيرية باكستانيه كوب ونص
• كوبين حليب
• ٤ حبات جبنة كيري او مثلثات
• فانيلا
• ٥ ملاعق نشا
• سكر حسب الرغبة
• قطر ثقيل
• بسكويت شاي
• زبدة ٥٠ غرام تقريباً

الخطوات

السلام عليكم ورحمة الله وبركاته مساء الخير صبايا زاكي

اليوم عملت حلى بالشعيريه الباكستانيه بصراحة بحياتي ما ذقت حلوه بهل شعيريه ولا كنت اسمع فيه غير من زاكي فشتريت منو وقلت جربو دورت ع طرق وبحبشت بزاكي من طرق الصبايا وما شاء الله وصفات كثير الله يعطيهن العافيه ع هل وصفات الحلوة بسل كل وصفة لاقي ناقصني شي فقلت خليني خبص شوي بس بعد هل تخبيص طلعت نتيجة حلوة وزاكية

يلا اشرحلكن شوي

اول شي بنطحن البسكويت حوالي لفتين وبنخلطهن مع ملعقتين زبده وبنرصهم بسفل الصينيه وع الثلاجه ربع ساعه بهي الاثناء بنجهز الطبقه الثانية

بنخلط الحليب مع النشا والسكر وملعقه فانيلا وملعقة زبدة والجبنة وبنخلطهن ع البارد وبعدين ع النار حتى يغلي مع التحريك المستمر وبنضيف الخليط فوراً فوق الطبقة الأولى وبعدها بنكسر وبصراحة هون بفضل انو يتكسر اكتر من الحجم يلي انا عاملو بنقلي بملعقة زبدة بس يتغير لونو شوي وما نحرقو وبنضيفو فوق الطبقة الثانيه وبنشربها بقطر خفيف وبصراحة طلع معي شوية قشطة زيادة سكبتهن بزبدية وفوقها بسكوت وجوز الهند وهي سخنة طلعت كثير زاكية وصحة وهنا

واكيد لا تنسوني بدعواتك