طريقة عمل المحلايه السوريه
المحلاية السوريه او مانسميه بالمهلبيه وصفه على اصولها وطعم رووووعه تقديم مبدعتنا نور طعمه تابعو معها الطريقه
المقادير:
3 كيلو حليب كامل الدسم
سكر حسب الرغبة انا بحط كاسة ونص
فانيلا
رشة ملح
150 غ زبدة
ملعقة صغيرة مستكة مطحونة
2 ملعقة صغيرة ممسوحة سحلب خام
او 2 ملعقة كبيرة سحلب عادي ان لم يوجد الخام
نشا بودرة 150 غ ( 9 ملاعق اكل معرمة مليانه ) وحسب نوع النشا الي عندكن
6 ملاعق كريمة بودرة
كريمة مخفوقة ومكسرات للتزيين
الطريقة:
اول خطوة بنرفع كاسة من الحليب ع جنب بندوب فيها النشا
و بنخلط السحلب الخام مع عيار السكر ضروري لان بكبتل ازا ما انخلط هيك
و بنحطهن فوق باقي الحليب عالنار مع التحريك كل شوي ..بس يغلي بنحط النشا المدوب وبنضل نحرك لحتى يستوي النشا ونحصل القوام المطلوب
بنزود نشا مدوب ان لزم الامر
بنطفي النار وبنحط الزبدة والمستكة المطحونة و الفانيلا و رشة الملح و بنحرك لتدوب الزبدة
هلأ بخلاط الكوكتيل
بنحط 2 ملعقة كريمة بودرة وبنعبي الخلاط لعند اشارة اللتر وبنخلط مجرد كبستين صغار رح تعطي رغوة ظريفة وبنصب بالزبادي او الكاسات
وبنعيد الكرة لتر تاني من المزيج مع ملعقتين كريمة بودرة وخلط
بنبردهن وبالاخر تزيين بكريمة مخفوقة ومكسرات حسب الرغبة
وكل ما بردت اطيب
بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي