الزيتون الجرجير بطريقه سهله وسريعه وطعم ولا أروع

المقادير

• زيتون مشمح(أخضر على سواد )
• ملح حسب الرغبه
• كميه من زيت الزيتون
• فلفل أخضر مقطع حسب الرغبه
• عصير ليمون

الخطوات

بسم الله نبدأ

نوع هالزيتون كتير طيب خصوصي مع الحواضر و طبعا لما يخلص الزيتون بنكون مشتاقين إله فلما يستوي شو بدنا نعمل أكيد بدنا نصبر حالنا لحتى يستوي إلي مخزون ههههه

مده صلاحيته هالنوع من ١٠ أيام لإسبوعين بس ما أعتقد حيتم لأنو حيتأكل هم هم بسررررعه ميزته إنه ما بيستوي مع بعض يعني بتجيبي الطشت و أنتو بتأكلو و بتنقو الحبه إلي على مزاجكو يعني أنا بحب السوده و جوزي بحب إلي على خضار و مره إشويه يعني أذواق يلا نبلش…..

بغسل الزيتون كويس من الغبره و بشيل أي عود منه و بتركه ليتصفى بعدها بجيب الهون و بالدقاقه بضربه ضربه خفيفه بس لتنفتح الحبه من النص خلصت الكميه و رشيت عليه ملح و حركته كويس حطيته بالشمس تقريبا ٣ايام مع التقليب المستمر بعدين رشيت زيت الزيتون و حطيت الفلفل و الليمون و حركت كويس حفظته بالثلاجه أو فيكي تحفظيه بره عادي

و هي طريقتي بتمنا تعجبكو و تدعولي بالخير و العافيه

♡و صحه و عافيه بحبكم أنا ♡