رز وحليب بطعم كريمي ولا أروع على ذوقي ملكه الشتاء

المقادير

• ٨ أكواب ماء(أو حليب سائل )
• كوب أرز حبه قصيره(مصري)
• ٢ كوب حليب بودره (لو إستخدمتي ميه)
• سكر حسب الرغبه
• ٢ م.ك نشا مدوبين بكاسه ميه
• ٢م.ك كريما سائله أو بودره أو قشطه
• ١م.ك فانيلا

الخطوات

بسم الله نبدأ

أول شى بنقع الرز بالميه وبتركه حوالي نص ساعة بصفيه وبتركه على جنب

بطنجره على الغاز بحط الميه والحليب البودره وبحرك كويس ليدوب الحليب تماما لما يغلى بحط الرز وبحرك كتير منيح بوطي النار وكل فتره والتانيه بتم أحرك فيه علشان الرز ما يتم بالقاع ويلصق

لما إستوي الرز ضفت السكر وحركته كويس ليدوب بعدها بضيف الكريما وبتركهم يغلو مع بعض كم من دقيقه ليتجنسوا كويس بعدها بضيف كاسه الميه إلي مدوب فيها النشا وبحرك كتير منيح ولما يشتد القوام بتركته كم من دقيقه وبطفي عليه بضيف الفانيلا وبحركه كويس

يصب بصحون أو زبادي ويقدم دافئا أو باردا حسب الرغبه

فيكي تحطي أي نوع صوص على الوجه وخصوصا صوص التوفي أخ شو طيب معه بجد رووووعه

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا ♡