اوزي صرر طيبة وسهلة
اوزي صرر طيبة وسهلة
المقادير
- مقادير العجينة:
- طحين
- ملح
- سكر
- فانيلا
- بيكينغ باودر
- زيت قلي ربع كاسة اوحسب الكمية
- ملعقتين كبار زبدة
- معلقتين كبار لبن
- معلقتين كبار حليب بودرة
- بكيت خميرة
- للعجن:
- زيت زيتون
- ماء دافئ
- مقادير الارز:
- رز حبة طويلة بسمتي
- بازيلا وجزر
- دجاج او لحمة المتوفر بالبيت
- بهارات مشكلة
- عصفر
- كزبرة ناشفة
- ماجي حسب الرغبة
- فلفل اسود
- كري
- ملح
- ماء مغلي او مرقة دجاج
- زيت اوسمنة
الخطوات
هلأ للعجين بنخلط المكونات الجافة كلها مع بعض وبنكون حاطين الخميرة بمي دافية مع معلقة سكر صغيرة لحتى تخمر وبعدين بنضيف للعجين بعد ما خلطنا المكونات الجافة الزيت واللبن والزبدة وبنخلطهم منيح مع بعض بعدين بنضيف الخميرة وبنخلطها منيح وبنصير بنعجن بمي دافية حسب الكمية وبندهن وجها زيت زيتون وبنرفعها لحتى تخمر
للرز بنحط الزيت وبنخليه يحما انا استعملت دجاج مفروم اسهل للاطفال بالنسبة الي بالاكل وبتحطي البهارات على اللحمة او الدجاج الي عندك وطبعا بتكوني سلقتي البازيلا والجزر وناقعة الرز بتضيفي الرز على الدجاج وبتحطي عليه عيار المي المغلية حسب الكمية الي عندك وبعدين بتضيفي البازيلا والجزر وبتحركيهم منيح وبتتركيهم لحتى يغلو وبعدين بتهدي النار عليهم لحتى يستوو
بعد ما يستوي الرز بنفردو بشي واسع لحتى بيرد لان ما بينفع تحطيه بالعجينة سخن
بنجيب العجينة وبنقطعها طابات صغيرة وبندهنها زيت وبعدين بنجيب صحن صغير غميق وبندهنو من جواتو زيت بنمد العجينة وبنحطها مفرودة على الصحن وبنحط كمية مناسبة على قد الصحن الي عنا انا بفضل انو يكون صغير يعني بياخد 3معالق كبار رز لحتى يكون سهل بالاكل وخاصة للاطفال بيحبو يحملوها بايدهم وياكلوها وبنسكرها منيح وبنصفطهم بصينية مدهونة منيح زيت وبندهن وجهم زيت وبنكون محميين الفرن عشان نخبزهم عالسريع لحتى لا ترتاح العجينة كتير بتفتح بالخبز وبيطلع الرز منها بنحطها لحتى تستوي من تحت وبعدين بنطلعها عالشواية لحتى تتحمر
وصحتين والف عافية
ولا تنسوني من دعواتكم
