منشور محبه

السلام عليكم ورحمة الله وبركاته
من زمان وانا بدي اكتب هالمنشور… خاصه بعد منشور ام كادي اللي صار مرجعنا بكل شيء

حسيت قديش هو فادنا لنعمق علاقاتنا مع بعض لما نرسل صورة او مسج او سؤال. ولنتعرف ع بعض اكثر. او حتى اللي هو الأهم لمانستفقد بعض لو غابت فينا وحده يوم او يومين ع طول بنسال عنها… وهاد الاشي مابدل الا ع المحبه والألفة الكبيره اللي صارت بينا والله يديمها..

وهاد الاشي مش من فراغ وبينعكس عالوصفات اللي بنعلق عليها اكراما لصاحبتها أكثر من الوصفه نفسها

والحمدلله قليل جدا التعليقات السلبية بينا. لان كل هاذ الاشي نابع من القلب.. والرضا.

لمانرضي عن حالنا شو ماكانت ولما نرضى عن اولادنا بمشاكلهم وعن ازواجنا بعصبيتهم ونرضى عن.اللي حوالينا حتى لو تاذينا منهم. ونيجي نكتب كلمة طيبة لاخت اكراما الها. هاي قمة المحبه والالفه

الله يرضى عني وعنكم وتكون هالكلمات خالصه لوجه الله تعالى ثم تعبير عن المحبه بيننا

ومابدي انسى اطلب منكم الدعاء لاختنا ام مصطفى ربي يرزقها الذريه الطيبه عن قريب ياااااارب هي ونور وكل مشتهي

واكيد ام جيلان وريحانه لانهم صاحبات الذكر الطيب اليومي والجواب الشافي لكل أسئلتنا العامه والخاصه..

الله يديم المحبه بينا جميعا ويعطي كل وحده كل ماتتمنى واكثر