خبز الطاوة العدني او الخبز الملوح
خبز الطاوة العدني او الخبز الملوح
المقادير
- دقيق ابيض او مخلوط (ابيض+بر)
- م ص ملح
- كوبين ونص ماء
- 3م ك زيت اختياري
الخطوات
في وعاء العجن حطي الماء والملح والزيت وخلطيهم حتي يذوب الملح حطي الدقيق واعجني حتي تلتم معك العجنه بس بنفس الوقت تكون لينه مش قاسيه وبعدين نرشيها ماء حتي ماتيبس لك من فوق لماتريحيها خليها ترتاح اذا كانت العجنه قاسيه لازم ترتاح ساعه واذا كانت لينه عشر دقائق او ربع ساعة وبعدين قرصيهم الي كرات وخليهم يرتاحوا خمس دقائق وبعدين خذي كرة العجين اوالقرص ورشي الملوحه دقيق او السطح اللي راح تفردي عليها الخبز وبعدين تحطي العجينه وتقلبيها بالدقيق وتفرديها بالبيلم (النشابه ) وبعدين توزعي عليها الزيت حق 4م ك وبعدين تثنيها كما في الصوره وترشي زيت فوق المكان الناشف يعني الجزء اللي ثنيتيه وبعدين تثني الحزء الثاني فوقه وترشيه زيت الان اصبحت مستطيله اثني نصفها الي النص وترشيها زيت وبعدين تثني الجزء الثاني فوقه وتكملي بقية الاقراص زي كدا وخليها ترتاح (5-10) دقائق وبعدين ترشي السطح اللي راح تفردي عليها دقيق وقلبي فوقها قرص العجين ثم افرديها بس لاتضغط عليها اثناء الفرد خلي يدك خفيفه وتكوني مسخنه مقلاة تيفال اولو معك مقلاة حديد يكون افضل لهذا النوع من الخبز بعد ما تسخن المقلاة ضعي الخبز فوقها ولما تش لون الخبز تغير وبدأ ينتفخ شوفيها من تحت اذا شفتيها اتحمرت اولونها بني رشي علي سطحها 3م ك زيت وزعي الزيت بالملعقة علي الخبز ثم اقلبيها علي الوجه الثاني وحركيها يعني دوريها بواسطة الملعقه مع ملاحطة الجزء السفلي اذا شفتي اخبز اخذ اللون المطلوب واصبحت طبقة الخبز مقرمشه رشي زيت زي اول واقلبيها ودوريها علي المقلاة بس تنتبهي عليها حتي ماتحترق عليك ثم شيليها في وضعيها في وعاء اوصحن في ورقه عشان ماعرق الخبز من تحت بعد ماتخلصي غطي عليها ولو تدخليها بكيس يكون افضل
ملاحظه النار لازم تكون عاليه تنقصي الشعله عند الضروره يعني اذا شفتيها بتحرق عليك نقصيها
الخبز دا ممكن تأكليه علي اي حاجه يطلع رووووووووعه لذيييييذ جدا (فاصوليا بيض صانونه عقدة دجاج اولحم فته يعني تفتيه مع اي حاجه ) دقيق البر هودقيق القمح
