ليالي لبنان
ليالي لبنان
المقادير
- 6 كاسات ماء
- كاسة سميد
- نص كاسة سكر
- 10 معالق كبار حليب ناشف
- ماء زهر 1 معلقة كبيرة
- مستكة مطحونة بطرف المعلقة الصغيرة
- علبة قشطة
- للتزيين:
- فستق حلبي
- جوز القلب مدقوق
الخطوات
اول شي يسعد مساكم يا غاليات اليوم وصفتنا خفيفة بالعمل وخفيفة ع المعدة وسهلة وسريعة
اول شي منحط الحليب والسكر والمي بالطنجرة ع الغاز ومنخليهم حتى يغلو منجيب لسميد ومننزل في ع الحليب سرسوب رفييييييع يعني متل الخيط ايد تحرك وايد دير لحتى ننهي كل الكمية منحط ماء الزهر والمستكة ومنخليهم غلوة وحدة فقط ومنطفي ومنديرها بالبايركس ومنستنى عليها 10 دقائق منجيب علبة القشطة ومنحطها ه الوجه ومنفردها ومنزيينها بشي الي بتحبو والكم حرية الخيار
ومنتركها بالتلاجة شي ساعة ومنقدمها مع القطر البارد
بالنسبة للقطر : كاسة ونص سكر الهم كاسة ونص مي وعصرة ليمون منتركهم لحتى يتعقدو وهيك بصيرو جاهزيين
وما منقدر بالآخر نستغني عن فنجان القهوة
وريتوووووووو عووووووووافي حبيبات قلبي
ودمتم في حفظ الرحمان غالياااااااتي ورفيقاتي ♥️♥️♥️♥️♥️♥️♥️
أختكم في الله أم عمرو
