شاورما ايطالي ولا ازكى من هيك جربوها ومارح تندمو
شاورما ايطالي ولا ازكى من هيك جربوها ومارح تندمو
شاورما ايطالي ولا ازكى من هيك جربوها ومارح تندمو
المقادير
- صدور دجاج حسب عدد افراد عائلتكم انتو بتحطو لهيك ما رح احدد عيارات
- فلفل الوان
- فطر
- ذرة معلبة
- جبنة شيدر
- للتتبيلة :
- ثوم مهروس
- لبن رايب
- زيت ذرة
- رشة زنجبيل
- بودر هيل مطحون
- بصل باودر
- ثوم باودر
- كاري
- بهارات مشكله
- بابريكا
- فلفل اسود
- ملح
- خل تفاح صناعي اطيب من الطبيعي للشورما وهاد النوع بيستخدمو المحلات تعوت الشورما
- ماجي باودر
- للمتومة :
- كاسة ماء
- معلقتين نشا كبار
- زيت ذرة
- خل ابيض معلقتين كبار
- ملح معلقة صغيرة
- وللنكهات:
- كاتشب
- برش ليمون
- شطة
الخطوات
اول شي بقطع الشاورما شرائح رفيعة وبعدين بحط جميع التوابل والرايب والخل والزيت بجاط بخلطهم منيح وبحط عليها صدور الجاج وبتبلهم وبتركهم ليلة بالثلاجة او اقل شي اربع ساعات لتتشرب التتبيلة بعدين بقطع الفطر والفلفل الألوان هسة بجيب مقلاة او صينية وبحطها ع النار تحمى وبعدين بحط فيها الجاج وبقلب لحتى يتغير لونها بغطيها وبترها تستوي وتنشف ميتها واخر شي بضيف الفلفل والفطر والذرة وبقلبهم معها وبطفي تحتها ما بخليهم يستو معها
طبعآ العجينو انا استخدمت العجينة تبعت خبز الحمام والسر الي حكيتلكم عنو وهيو موجود بملفي طبعا بعمل العجينة وبخمرها بس تخمر مزبوط الكم الخيار يا بتحشوها وهية نية العجين بالشورما متل ما انا عملت او بتحملو العجينة رغفان مدورة وبتخبزوها وبعدين تحشوها وتضغطوها على الجريل طبعآ انا فردة العجينة بصينية وحطيت الحشوة والجبنة وبعدين فردة القطعة التانية وحطيتها فوقها وغلفتها فيها مزبوط وسكرتها من الاطراف منيح ودخلت الاطراف تحت العجين حتى اضمن انو ما تسيح الجبنة وتطلع لبرا او يتفتح الخبز معي بالخبز وبعدين بخبزها على نار فوق الوسط بشوي وبدهن الوجة اذا حبيتو بيضة مع معلقة خل ومعلقة حليب او بدهنو بحليب لحالو واذا بتحبو رشولها سمسم ع الوجة
للمتومة بخلط المي والنشا ع البارد وبعدين بحطو عالنار مع التحريك المستمر حتى يثقل ويصير لونو شفاف وبعدين بغطي مزبوط وبتركو يبرد بس يبرد بالخلاط او الهاند بلاندر بحط الثوم والخليط تبع النشا والخل والملح وبخلط منيح وبضيف الزيت بالتدريج لحتى تشوفي القوام صار مزبوط بتوقفي يعني ممكن تحتاج من ربع كاسة لنص كاسة زيت
بعدين بقسمو ثلاث اقسام قسم بحط علي شطة
وقسم بحط علي كاتشب وبرش ليمون
وقسم بخلي سادة وهيك بنكون خلصنا شورمتنا اللذيذة والي بتنباع بأسعار غالية بالمطاعم بالبيت بنعمل بأقل تكلفة واكتر كمية جربوها ودعولي
