مهلبيه العسل اللذيذه (الهيلطية) من الحلويات الشعبيه الفلسطينيه

المقادير

• ٤ أكواب ماء
• نصف كوب حليب بودرة
• ٦م.ك نشا ( لكل كوب ماء بدنا م.ك ونص)
• ٢م.ك سكر
• نكهات:
• فانيلا أو ماء ورد أو مسكه
• للعسل الكذاب هههههه:
• كوب سكر
• كوب ماء
• رشه صغيره جدا ملح ليمون
• ١م.ك عسل أبيض(إختياري) بس بيعطي طعم زاكي
• رشه صغيره لون غذائي

الخطوات

بسم الله نبدأ

في طنجره بحط كل مكونات المهلبيه ما عدا النكهه إلي حابه أضيفها

بحطها عالغاز مع التحريك المستمر لما يشتد القوام وتغلي كم من غلوه بطفي الغاز وبضيف النكهه

بصب المزيج بكاسات أو بصينيه وبتركها تبرد عالأخر

^نيجي للعسل^

بطنجره بحط كل مكوناته مع بعض لما يبلش يغلي بحسبله عشر دقائق وبطفي عليه بتركه ليبرد

لما نيجي نأكلها بنرش على وجهها العسل وتأكل سهله وسريعه وبسيطه

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا♡