ورق عنب او دوالي على طريقتي رائع ومشهي

المقادير

• دجاجة مقطعة قطع متوسطة
• رز محاشي حبة قصيرة نصف كيلو
• ورق عنب نصف كيلو تقريبا
• زيت زيتون
• طماطم
• بهارات مشكل
• بهار ارز اصفر
• بهار دجاج
• فلفل اسود
• رشة دبس رمان
• ملح
• عصير ليمونة وشرائح ليمونة
• شرائح بطاطا
• شرائح جزر
• مكعبين ماجي

الخطوات

السلام عليكم ورحمة الله وبركاته

كيفكم اخواتي وحبيباتي الغاليات العزيزات على قلبي…. اشتقتلكم واشتقت ل كلماتكم الرائعة المشجعة ول دعمكم يا عائلتي الثانيه…. ربي ما يحرمني منكم يا حنونات يا طيبات…. ربي يسعدكم ويفرح قلوبكم غالياتي….

بسم الله نبدأ…. وصفتي اليوم الكل بيعملها وكل وحده فينا الها طريقتها ولمستها الخاصه اللي بتخلي الاكلات تطلع بتشهي لما نعملها بحب وذوق وفرح حتى نفرح اهل بيوتنا فيها ونسعدهم…

اول شي يا عسلاتي بننقع الرز منيح بمي سخنة ونجهزو بوضع البهارات المذكورة وزيت الزيتون وحبة طماطم مفرومة ناعم. نحضر الدجاج ونضع عليه بهارات دجاج ومشكلة وملح ورشة زيت زيتون ونقليه على نار حامية حتى يتحمر من الجهتين…. نسلق ورق العنب بالماء المغلي على النار بشكل سريع ونلف االورق بالارز

نحضر طنجرة الضغط نضع فيها شرائح طماطم وشرائح بطاطا وجزر اختياري ونرتب ورق العنب حتى الوسط ثم نضع قطع الدجاج بالتساوي وعليهم شرائح طماطم مرة اخرى ونكمل ترتيب ورق العنب ونفتت الماجي جيدا حتى تنتهي الكميه وعلى الوجه ايضا شرائح طماطم وليمون ورشة دبس رمان ونصف كوب زيت زيتون…. نضع ماء ساخن مع ملعقة ملح وعصير ليمونة ونطبخها لمدة نصف ساعة وبتكون جاهزة للتقديم والف صحة وهنا على قلوبكم غالياتي….

دمتن في حفظ الرحمن