الكنافة الناعمة بكل تفاصيلها

المقادير

• ثلاث كاسات ونص طحين
• نص كاسة سميد ناعم
• نص كاسة نشا
• نص كاسة حليب بودرة
• نص كاسة سمنة
• نص معلقة كبيرة بكنغ باودر
• كاسة ونص ماء بدرجة حرارة المطبخ
• براس المعلقة الصغيرة صبغة غذائية صفرة ان وجدت واذا ما في عادي مو ضروري
• للتجهيز بدنا:
• كيلو جبنة بيضا بلدي
• سمنة لدهن السدر
• القطر :
• كاستين سكر
• كاستين مي
• عصرة ليمون
• معلقة صغيرة سمنة بلدي

الخطوات

السلام عليكم يسعد جميع اوقاتكم صديقاتي كيفكم وكيف الحظر معكم اكيد اغلبيتكم اشتقتو للكنافة واذا مو انتو اكيد الاولاد او عمدة البيت هههههههه يعني الا ما نكون تمنينا انو لو محل حلويات واحد فاتح بالمنطقة عشان صحن كنافة اليوم رح تعملوها انتو وبدل الصحن سدر تاكلو وطعمو الاهل والاحباب كمان ابعتولهم ما تدعوهم عندكم عارفين ممنوع التجمعات ههههههههههههههههه يلا الله يهونها وتعدي الأزمة على خير وربنا يرفع عنا البلاء والوباء يا رب

المهم يلا بلا كترت حكي خليني ادخل بصلب الموضوع ههههههه

اولآ بخلط كل المواد الجافة مع بعض وبعدين بفركهم بالسمنة طبعآ حاولو تكون سمنة زاكة لانو النكهة بتعتمد على نوع وجودة السمنة اذا سمنة بلدي بكون روعة المهم بنفركهم فيها منيح وبعدين بحط نتوفة صبغة صفرة ع المي وبعجن فيها وبعجنها منيح حتى تتشكل عجين متجانسة متماسكة ويا ريت ما تتلاعبو بالعيار رح تطلع معك مزبوطة بس ضلك اعجني لما تصير معك العجينة كرة كاملة متماسة وبعد هيك بفردها بصينية عليها ورق زبدة وبدخلها الفرن على نار هادية بس تتشمع ما بدنا تاخد لون بدها تقريبآ من ربع لثلث ساعة وبطلعها وبتركها تبر تمامآ لمدة ساعة ونص لساعتين وبعدين بفتركهم وبقسمهم قطع صغار وبفرمهم ع المحضرة حتى تنطحن ناعم وبعدين بجيب سدر بدهنو بكمية منيحة سمنة تكون سمنة بحرارة المطبخ ما تكون سائلة بدي تكون طرية ومتماسكة وبغطي السدر كامل بالسمنة وبعدين بجيب منخل وبنخل وجه ناعم اول شي تكون طبقة بس عشان لما نقلبها تكون الوجة ناعم وبعد هيك برش باقي الفرك بالتساوي بدي تكون طبقة منيحة بحدود ثلاثة سم وبعد هيك بضغطها مزبوط وبحط فوقها سدر تاني اصغر وبكبس في الفرك وبعدين بحط فوقها الجبنةالمحلاية وحاولي تكرمي بالجبنة كل ما كانت جبنتها منيحة رح تطع اطيب ورح تحسي بتناسق بين الكنافة والجبنة وبعدين بحطها ع الغاز ع نار واطية وببلش الف السدر بحاول اخلي ااطراف السدر ع النار ما بخلي الوسط عشان ما يلدع من النص وبضل ادير بالسدر حتى الاحظ الأطراف تحمرة بمس سكينة وبشيل الجبنة نتفة من النص وبرفع شوي من الكنافة اشوف اذا تحمرة من النص وبعدين برجع ازبط الجبنة مكانها وبعدين بس تتحمر بفكفك الاطراف بمعلقة وبعدين بهز السدر هزة بسيطه عشان تفك معك وبعدين اقلبيها بسدر اكبر وشربيها القطر ورشيلها الفستق الحلبي ودوقي اطيب كنافة من تحت دياتك

القطر بحط السكر والمي وبخلي يغلي غلوتين تلات وبعدين بعصر عصرة ليمون وبس غلوة وبحطلها السمنة وبطفي تحتو

الملاحظات :

لازم القطر ساخن وخفيف وما يكون معقد والكنافة سخنة

وانتي بتلفي بالسدر ع الغاز اذا لاحظتي الجبنة بخت مي بورق تنشيف المطبخ نشفيها عشان ما تنزل ع العجين ويعجن معك

وبعد ما تخلص قبل ما تقلبيها رشي رشة من الفرك ع الجبنة رشة بسيطة عشان ما تلزق الجبنة بالسدر

وبالهنا والعافية عليكم بس اعذروني ما في صور كتير وما صورة كل التفاصيل لانو الولاد بدرسو علي ومش بكل الاوقات بقدر امسكو هههههههه الله يعديلنا الازمة والله صرت اشتاق لتليفوني

يلا جربوها ودعولي يا غاليات واعذروني ع الاطالة