ورق العنب بالأجنحة
ورق العنب بالأجنحة
المقادير
- دوالي ( ورق العنب ) نص كيلو
- 3 كاسات أرز مصري منقوع ومغسول
- وقية لحمة عجل مفروم خشن
- 4 ملاعق كبيرة من الزيت القلي
- معلقة صغيرة كاري
- نص معلقة صغيرة فلفل أسود
- رشة عصفر
- ملح
- ماجي بودرة
- دجاج كامل أو لحمة قطع كبيرة أو أجنحة دجاج الي بتحبة حطو منو
- بندورة حب
- ورق غار
- هيل حب
الخطوات
أول شي مننقع الأرز لمدة نص ساعة بعدين منغسلو كتيييير منيح بعدين منحط علي اللحمة وجميع البهارات والماجي والزيت ومنخلطهم كتير منيح بعدين منجيب ورق العنب ومنبلش نحشيهم ومنلفهم لحتى انتهاء الكمية
هون بحضر الطنجرة انا عملتهم بطنجرة الضغط بحط بقاع الطنجرة بندورة مقطعة دوائر وبحط الدجاج فوقهم وبحط ورق الغار والهيل الحب بعدين منحط ورق العنب ومنحط عليهم شي 3 ملاعق كبيرة من الزيت الزيتون وعصير حبة ليموون
هون في ملاحظة صغيرة انا بعد ما أحط ورق العنب بحط فوقه صحن وبحط علي أي شي ثقل يعني لو كيلو او تنين كيلو حمص بعلبة طبعآ بس نحنا بدنا ايا يرصهم منيح وما يتفتحو حب الدوالي معنا ومندير عليهم مي لحد حب الدوالي فقط لا تكتري لأنو بتفتح الحب وبيخبص وبحطهم ع الغاز والثقل عليهم لحتى يغلو كتير منيح بعدين بشيل الثقل وبشيل الصحن وبضغطهم ساعة ونص
وبعدين منقدمهم بالهنا والعافية
وهيك بتكون خلصت طبختنا يا رب تكون عجبتكم وأي سؤال انا جاهزة
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
