قطايف ام علاء بدون خميره

المقادير

• كاسة طحين
• ربع كاسة سميد ناعم
• كاسه وربع ماء
• معلقه صغيره بكنج باودر
• ربع معلقة كربونه
• رشة ملح
• معلقة سكر
• معلقة حليب باودر
• للحشوه:
• جبنه
• او قشطه
• او جوز

الخطوات

السلام عليكم يسعد اوقاتكم جميعا وتقبل الله طاعاتكم

طبعا القطايف نزل بكميات كبيره على زاكي وخصوصا واحنا في هذه الاجواء وهذا الشهر الفضيل ربنا يحمي الجميع ويرفع عنا البلاء

طريقتي في عمل القطايف حبيت اقدمهابشكل مقنن للعائلا الصغيره

بضع جميع المواد بالخلاط وبضيفلهم الماء الدافىء وبشغل عليهم الخلاط وبتركهم نصف ساعه وبحركهم من الاعلى للاسفل مزبوط حتى اخرج منهم فقاعات الهو لانها بتاثر على شكل الحبه والعمل لازم يكون بمقلاه تيفال او قرانيت حتى ما يلتصق بنحمي المقلاه وبنوطي النار اول ماتنشف الحبه بنشيلها على فوطه نظيفه وبنغطيها حتى ما تنشف وبحشيهم بالحشوه يلي بحبوها افراد الاسره اما بقليهم او بتشويهم بالفرن المره شويتهم وكانوا طيبين لكن القلي اطيب بس الشوي صحي اكثر وطبعا بتنزليهم بالقطر البارد وبترفعيهم في صحن التقديم طبعا ما عملت كميه كبيره وما بحب افرز القطايف وهذه الكميه عملت معي اكثر من عشرين حبه نعمة كريم والحمد لله رب العالمين

واتنمنى انها تعجبكم

استودعتكم لله الذي لا تصيع ودائعه