خلية النحل بالجبنة ملكة رمضان
خلية النحل بالجبنة ملكة رمضان
المقادير
- 3 كاسات طحين أبيض
- ربع كاسة زيت قلي
- معلقتين كبار لبن
- معلقة كبيرة حليب ناشف
- معلقة كبيرة خميرة فورية
- معلقة كبيرة سكر
- ربع معلقة صغيرة ملح
- كاسة الى ربع ماء دافئ او حسب الحاجة
- للحشو:
- جبنة بيضا أو جبنة موزاريلا أو جبنة مثلثات متل ما بتحبو
- لدهن الوجه:
- معلقة صغيرة حليب ناشف مع معلقتين كبار ماء ومنخلطهم ومندهن الوجه فيهم
- للتزيين:
- سمسم وقزحة وازا ما بتحبو ولا شي حسب الرغبة
الخطوات
أول شي منحط الطحين والخميرة والسكر والحليب والملح واللبن والحليب ومنظل نبس فيهم بس لحتى الزيت يوصل لكل الطحين بعدين مننزل بالماء الدافئ بالتدريج ونعجن ونعجن ونعجن ههههه لمدة 10 دقائق وتصير عنا عجينة طرية وما بتلزق باليد بعدين منتركها ع جنب وبغطيها وبتركها بمكان دافي لمدة نص ساعة الى ساعة الى ربع
تاني شي منبلش نقطع العجين قطع كرات متوسطة أو بحسب الحجم الي بتحبو ومنحشيهم بالجبنة ومنسكر العجينة كتييير منيح
منحطهم بالصينية رص رص جنب بعض ع شان يعطونا شكل خلية النحل ومندهن الوجه بالحليب ومنرش على الوجه السمسم والقزحة وعلى الفرن مباشرة لحد ما تتحمر معي من تحت بعدين بحمر وجها من فوق وتتقدم بالهنا والعافية
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
