بوظة الفراولة ملكة رمضان
بوظة الفراولة ملكة رمضان
المقادير
- 2 كوب ماء بارد جدآ جدآ
- كوب كريمة ناشفة أو ما يعادل 4 مغلفات كريمة
- كوب حليب بودرة
- كوب سكر بودرة
- علبة او باكيت قشطة
- باكيت جيلي بنكهة الفراولة
- معلقة صغيرة فانيلا بودرة
- نص معلقة صغيرة بودرة السحلب
- للتزيين حسب الرغبة:
- فراولة
- أو موز
- أو فستق حلبي
- أو صوص الفراولة
الخطوات
أول شي يسعد مساكم يا غاليات اليوم جبتلكم طريقة عمل البوظة بطعم خراااااافي ورهيب وبما انو نحنا ع أبواب الصيف وبدنا شي يبرد علينا ما رح نلاقي أطيب واحلى من البوظة وانا هاي طريقتي في عملها ان شاء الله بتعجبكم وخلينا نبلش بطريقة العمل
1 / نضع الكريمة والماء البارد والحليب ونخفقهم لمدة 3 دقائق بعدين منزل عليهم القشطة والجيلي البودرة والفانيلا والسكر وبودرة السحلب ومنظل نحركهم شي دقيقتين
2 / منفرغهم بعلبة وعلى الفريزر مباااااشرة لمدة 3 ساعات بعدين منطلعها ومنرجع نحركها كتير منيح بعدين منرجعها على الفريز لمدة 3 ساعات وهيك منظل نعمل شي 3 مرات منحرك ومنرجع ع الفريزر حتى ما تصير عندي البوظة تكون بلورات ثلج
3 منتركها لتاني يوم بعدين منقدمها بصحون البوظة او حسب الرغبة وزيينها بالشي الي انتي بتحبي
ملاحظة اذا بتحبي لونها يكون زهري أكتر ممكن تستخدمي الصبغة تحطي نقطة منها بس انا ما كنت موجودة عندي اكتفيت باللون الطعم الي أعطاهم ايا جيلي الفراولة
وهيك بتكون خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
