شوكولاتة بيتية ملكة رمضان

المقادير

• كاسة حليب ناشف
• كاسة كاكاو
• كاسة سكر بودرة
• كاسة ماء
• كاسة زيت قلي
• معلقة كبيرة نسكافيه
• علبة او باكيت قشطة

الخطوات

السلام عليكم ورحمة الله و بركاته كيفكم أخواتي جميعآ اليوم جبتلكم وصفة الشوكولاتة البيتية قبل فترة نزلتها الأخت أم جاسم بس انا عندي اضافة بسيييييطة عليها الي هيي انا بزيد علبة قشطة والنسكافية الي بحطها بحطها بنكهة البندق بتطلع رووووووووعة وممكن تستخدمو لكتييييير أشياء ومنها لحشو القطايف بما انو هسا موسم القطايف طيبة كتير للحشو ازا حبيتو طريقتي بتمنى تجربوها وتحطوها بالمفضلة عندكم

اول شي منخلط الكاكاو مع المي بالخلاط بعدين منزل الحليب والسكر البودرة والنسكافيه والزيت ومنخلطهم كتير كتير منيح لحتى يجمدو بنزل عليهم علبة القشطة ( ممكن تحطي الزيت شوي شوي لحتى توصلي للسماكة الي انتي بتحبيها )

بس انا بحب أحطها كلها لانو للحشو بدي اياها تكون جامدة شوي

بعدين بطفي الخلاط وبحطها بحافظة وعلى الثلاجة لمدة ساعة وهيك بتكون جهزت للإستخدام جد بتشهههههي وطيبة وازا حطيتي عليها نسكافيه بالبندق ما بتفرقيها عن لنيوتيلا

وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم

أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️