قلاية بندورة باللحمة المفرومه والفاصوليا البيضا جربووها كتير طيبة ملكة رمضان

المقادير

• لحمة مفرومه
• بندوره حمرا
• فاصوليا بيضا
• تووم
• ملح
• زيت زيتون

الخطوات

اول شي بتكوني ناقعه الفاصوليا ، انا ما بنقعها بحطها بطنجره وبغطيها وبخليها تغلي كتير منيح وبطفي تحتها وبتركها مسكره نص ساعه بعدين برجع بغليها غلوه بتكون مستويه ودايبه المهم بعد ما تستوي الفاصوليا بنكون حاطين اللحمه ع النار مع شوية زيت وبنتركها تستوي بس تستوي بنحطلها شوية بهار لحمة او فلفل اسود بدون ملح لانه الملح بنحط عليهم كاملين

بنعمل قلايه البندوره بالتوم وزيت الزيتوون وبس تستوي وتتسبك بنضيف اللحمة والفاصوليا وبنتركها شي 5 دقايق تتطبخ سوا وبنحطلهم الملح وبس

جد كتيييييير طيبه وانا بحبها كتير مع مخلل فلفل حار او مخلل خيار وزيتون اخضر وفليفله ممممم

وبالغافيه عليكم ❤❤❤❤