سفرة اسماك ملكة رمضان

المقادير

• انواع السمك للصياديه:
• سمك دنيس
• وللمحشي:
• سمك لوت
• للصياديه بحاجه ل:
• رز بسمتي
• بهارات
• بصل
• ثوم
• كزبره
• كمون
• للسمك المحشي بحاجه الى:
• بقدنس
• جزره مبروشه
• بندوره مفرومه
• ثوم مفرومه تقريبا راس كامل
• كمون
• عصير ليمون يمون ٣ حبات
• زيت زيتون
• فته المقالي بحاجه الى:
• كوسا مقليه
• بطاطا مقليه
• بيتنجان مقلي
• خس
• خبز مقلي
• طحبنيه
• لبن
• ثوم
• ليمون
• ملح
• سلطه الجرجير بحاجه الى:
• جرجير
• حبه صغيره بندوره
• بصل شرائح
• سماق
• ليمون
• زيت زيتون
• جوز عبن جمل للزبنه( اختياري)
• القدونسيه بحاجه الى:
• بقدونس
• طحينيه
• ملعقتين لبن زبادي
• عصرة ليمون
• ملح

الخطوات

اول شي بنضف السمك وبننقعو قبل بيوم او اكمن ساعه علشان يعطي طعم زاكي انا بحط بمحضره الطعام راس توم وليمون وملح وبهار السمك وزيت زيتون وخلطهم منيح ونقعت السمك فيها

بالنسبه للصياديه اول شي بقلي السمك بزيت حامي وغزير شوي بعد ما اكون غلفتو بالطحين بس باخد الزيت بعد ما يصفى وبحطو بطنجره تانيه وبفرم عليه راسين بصل وبحرقهم لحتى يصير لونهم بني غامق هلاء بحذر شديد بدير عليهم مي سخنه وبتركها تغلي وتطلع كل نكهة البصل بصفيها وباخد المي وبحط عليها بهارات السمك والكمون والكزبره ومكعب ماجي وسنين توم مهروسين بهاي الفتره بكون ناقعه الرز البسمتي وبديرهم على المي وبتركها على نار واطيه لحتى تستوي وبهيك بكون الصياديه جاهزة …….

صينيه السمك المحشي بجيب السمكه بحززها من بره وبحضر الحشوة بفرم البقدونس والبندوره والجزر والتوم وبحط عليهم الملح وكميه من الليمون ورشه فلفل اسود وبحشي بطن السمكه فيها وبغطيها بالقصدير وبحطها بالفرن نص ساعه بتستوي من ميتها وبس تستوي بتحمري وجه السمكه …….

فته المقالي بتقلي كل الخضره الي موجوده عندك والي بتحبيها وبتقلي خبز بتحطي بقاع البايركس وبحطي فوفو المقالي وبتقطعي خس وبتحطي فوقهم وبتعملي الصوص الابيض بنحط اللبن والتوم والليمون واللطحينيه والملح بنحركهم منيح بالمعلقه وبتديري فوق المقالي وبتنزيني بالقدونس واللوز …….

سلطه الجرجير……

بتفرمي الجرجير خشن والبصل الشرائح الرقيقه وحبه بندوره بتحركيه سوى تقليب بايدك وبتعملي الدريسنج بمرتبان بعصري ليمون وبتحطي عليها زيت الزيتون والملح والسماق وبتحركيهم وبتديري فوق الجرجير وبتنزيني بالجوز المفروم على الوجه وصحتين وعافيه ……..

وكل سنه وانتو سالمين ❤❤