الكعك بطريقه سهله ومضمونه لأول مره بعمل كعك لحالي

المقادير

• كوب سمنه
• كوب زيت نباتي
• كوب حليب سائل
• ٤ كوب طحين
• ٢ كوب سميد
• م.ك فانيلا
• م.ك بكينج بودر ممسوحه
• م.ك خميره فوريه ممسوحه
• ٢ م.ك دقه كعك
• ٤ م.ك سمسم محمص
• رشه ملح
• حليب دافئ للعجن
• تقريبا كيلو عجوه تمر معجونه ب :
• دقه كعك
• سمسم محمص
• قرفه
• جوز هند
• فانيلا
• زيت نباتي

الخطوات

بسم الله نبدأ

بالخلاط بنحط السمنه والزيت والحليب وبنخلطهم كويس بنتركهم على جنب

بنحط كل المكونات الجافه مع بعض وبنحركهم كويس بنضيف الخليط عليهم وبنحركهم بأطراف الأصابع هالوقت العجينه ما راح تحتاج حليب كتير لعجنها يمكن تأخد بس نص كوب المهم بنضيف الحليب بالتدريج وبنصير نلم العجينه لم بدون عجن بأطراف الأصابع

بنكون مجهزين العجوه وبنبلش نشكلهم وبنخبزهم على درجه حراره متوسطه لما يجهزوا بنتركهم يبردو بعدها بنحفظهم بعلبه ليبقو طريين ويقدم

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا ♡