كانيلوني الفلفل المشوي ملكة المطبخ
كانيلوني الفلفل المشوي ملكة المطبخ
المقادير
- 250 غم كانيلوني
- نص كيلو لحمة مفرومة
- رشة ملح
- فلفل اسود
- مرق الدجاج باودر
- توم باودر
- بصل باودر
- أعشاب إيطالية
- بصلة مفرومة ناعم
- أربع سنان تومة مهروسة
- أربع حبات بندورة مقشرة و مبشورة
- رشة سكر
- تلات ملاعق كبيرة صلصة البندورة
- ملعقتين كبار كاتشب
- حبة فليفلة حمرا
- ملعقتين كبار زيت زيتون
- مغلفين بشاميل الاجبان من ماجي
- كل مغلف بده ٧٥٠ مل حليب سائل
- ملعقتين كبار زبدة
- رشة جبنة شيدر و قشقوان و بارميزان
الخطوات
الفليفلة بتحطيلها زيت زيتون وبتشويها بالفرن
بس تبرد بتقشريها وبتقطعيها
بتقلي البصل ليذبل بتضيفي التوم المهروس
بتضيفي لحمة المفرومة
بتضيفي رشة أعشاب إيطالية و فلفل اسود وتوم باودر و بصل باودر
بس تستوي بتضيفي رشة ملح ومرق الدجاج باودر
بتضيفي البندورة و صلصة البندورة ورشة سكر و كاتشب و بتقلبيه بتضيفي نص كاسة مية
بتتركيها لتغلي و تتسبك بس تبرد بتضيفيلها أربع ملاعق كبيرة بشاميل وبتحشي حبات الكانيلوني
للبشاميل
بتخلطيه مع الحليب على البارد ثم على الغاز مع التحريك المستمر ليغلي و يتكاثف اخر شي بتضيفي الزبدة و جبنة شيدر و بارميزان
بتحطيه بالجاط و بتصفي حبات الكانيلوني وبتضيفي باقي البشاميل مع رشة جبنة شيدر و قشقوان بتدخليها الفرن لتستوي بعدها بتحمريها
بالهنا والشفا يارب
