مندي بالفرن بأسهل طريقة
مندي بالفرن بأسهل طريقة
المقادير
- جاجة ونص مقطعين ومنظفين ومنزوعين الجلد
- ٤ أكواب أرز بسمتي منقوع بمي دافية ساعة
- بهارات سلق الرز:
- ورق غار
- هيل
- عودين قرفة
- ملعقتين ملح كبار
- ربع م ص فلفل اسود
- بهارات تتبيل الدجاج:
- ١ م ص هيل مطحون
- ١ م ك بابريكا حلوة
- م ص ملح
- رشة بهارات مشكلة
- نص م ص زنجبيل مطحون
- م ص بصل بودرة
- ٤ فصوص ثوم مهروس
- ٢ م ك صلصة بندورة
- اقل من ربع كوب من زيت الزيتون والخل
- ٢ م ك مليانة لبن
- عصير ليمونتين
الخطوات
يتبل الدجاج بالبهارات وينخز بسكين ويترك ليلة كاملة ..او عالاقل ساعتين حتى يتشرب البهارات
وممكن تعمليه مباشرة لكن رح يفرق معك بالطعم
بالنقع بكون ازكى
وقت الطبخ بتحطي مي غزيرة مع الملح والقرفة والهيل وزيت ولما تغلى بتنزلي الرز وبتخلي يستوي نص استوى وبعدين بتصفيه
بتجيبي صينية وبتحطي فيها ورق قصدير وبتصفطي قطع الجاج وجهها لتحت وبتديري الرز عليها
وباقي تتبيلة الجاج بتعملي ثقوب بالرز وبتنزليها فيها بمعلقة
اخر شي بتجيبي صبغة صفرا او برتقالية وبتذوبيها بملعتين مي وبتديريها حرف × على الرز وبتسكري القصدير
وبتدخليها الفرن على حرارة ١٨٠ لمدة ٥٠ دقيقة
وممكن تاخد ساعة حسب حماوة الفرن
بس تطلعيها بتفتحي القصدير وبتقلبيها بجاط التقديم
وصحتين وعافية❤❤
